Yfirþjálfari yngri flokka

Knattspyrnudeild Breiðabliks auglýsir eftir metnaðarfullum einstaklingi í stöðu yfirþjálfara yngri flokka félagsins.

Yfirþjálfari yngri flokka knattspyrnudeildar leiðir faglegt starf félagsins í samráði við framkvæmdastjóra og deildarstjóra knattspyrnudeildar. Meginhlutverk yfirþjálfara er að fylgja eftir stefnu Breiðabliks um uppeldis- og afreksstarf í þjálfun knattspyrnu. Einnig skal yfirþjálfari vinna náið með þjálfurum félagsins og veita þeim aðhald og stuðning. Yfirþjálfari hefur umsjón með afreksstarfi

Breiðabliks í 4.-2. flokki og samvinnu milli meistaraflokka og yngri flokka í þeim efnum.

Menntunar- og hæfniskröfur

• Háskólapróf og/eða mikil reynsla sem nýtist í starfi
• UEFA A þjálfunargráða
• Þekking og skilningur á starfsemi knattspyrnudeilda
• Framúrskarandi hæfni í samskiptum
• Drifkraftur og hæfni til að leiða verkefni og hópa
• Frumkvæði og sjálfstæð vinnubrögð
• Góð tölvukunnátta

Umsóknarfrestur er til og með 27. október nk.

Umsóknum ásamt ferilskrá og kynningarbréfi skal skilað til deildarstjóra á netfangið isleifur@breidablik.is eigi síðar en 27. október 2024.
Farið verður með umsóknir sem trúnaðarmál og þeim svarað að ráðningu lokinni.