Yfirþjálfari Hestamannafélagsins Sörla í Hafnarfirði

Laust er til umsóknar starf yfirþjáfara hjá Hestamannafélagsins Sörla í Hafnarfirði. Sörli leitar af kraftmiklum leiðtoga til að taka að sér yfirþjálfara starf félagsins í samstarfi við framkvæmdastjóra og stjórnir félagsins.

Um er að ræða yfirumsjón með námskeiðahaldi, skipulögðum reiðmennskuæfingum og fjölbreyttri fræðslu hjá félaginu. Reglulegar reiðmennskuæfingar stunduðu síðasta vetur rúmlega 80 manns á öllum aldri en heildar fjöldi þátttakenda á námskeiðum og æfingum var í kringum 150 manns. Að auki samþykkti stjórn að innleiða Afreksstefnu, fyrir yngri flokka, eftir fyrirmynd ÍSÍ sem unnið er eftir fræðslustarfi yngri flokka. Sörli hefur einnig undirritað viljayfirlýsingu um þátttöku fatlaðra þegar ný og glæsilega reiðhöll opnar.

Framundan eru gríðarlega spennandi tímar hjá félaginu og mikill áframhaldandi uppgangur þar sem að á árinu 2025 opnar fyrsti hluti einnar bestu innanhúsaðstöðu fyrir hestamennsku á landinu. Þjálfarar félagsins hafa undanfarið verið að mestu atvinnumenn í Sörla. Með auknum kröfum, umsvifum og fleiri möguleikum verður þörf fyrir fleiri þjálfara. Yfirþjáfarastaða í Sörla er tækifæri fyrir réttan aðila til að taka þátt í að halda áfram að þróa og móta framtíð íþóttarinnar innan Sörla. Framtíðar starfsumhverfið verður eitt það besta í þessari íþótt á landinu í samvinnu við það góða og metnaðarfulla starfsfólk sem fyrir er.