Vegagerðin

Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

Vinnustaðurinn

Vörusérfræðingur í innkaupum

Vegagerðin óskar eftir að ráða öflugan aðila í starf sérfræðings á rekstrardeild. Leitað er að aðila sem er lausnamiðaður, hefur ríka reynslu af vinnu á verkstað og mikla efnisþekkingu á vörum sem notaðar eru til viðhalds og nýframkvæmda á vegakerfinu. Á rekstrardeild starfa um 16 manns og tilheyrir fjármálasviði. Vegagerðin er með 19 lagera staðsetta víðsvegar um landið. Lager Vegagerðarinnar geymir efni fyrir nýframkvæmdir og viðhald á vegunum ásamt rekstrarvörum og eru lagerarnir ýmist innandyra sem og utan.

Ef þú býrð yfir djúpri þekkingu á vegagerðaefnum, ert lipur á lyklaborðinu, hæfni í mannlegum samskiptum og hefur mikinn faglegan metnað í starfi þá er þetta starfið fyrir þig! Um er að ræða fullt starf á starfsstöð Vegagerðarinnar í Garðabæ.

Helstu verkefni og ábyrgð

Stýring og yfirumsjón með innkaupum á vörum og efni
Ráðgjöf um vörur og efni og annast gerð samninga um innkaup
Gæðaeftirlit með vörum og efni
Samræmir innkaup til að auðvelda kostnaðargreiningu og samanburð
Samskipti við birgja innanlands og erlendis

Menntunar- og hæfniskröfur

Menntun sem nýtist í starfi
Gerð er rík krafa um þekkingu á efnum notuðum til nýframkvæmda- og viðhalds á vegum eða mikla reynslu af vinnu á verkstað
Reynsla af innkaupum mikill kostur
Skipulagshæfni og mikill faglegur metnaður
Góð tölvufærni og hæfni til að efla hana
Framúrskarandi hæfni í mannlegum samskiptum
Mikil þjónustulund
Góð öryggisvitund
Hæfni til að setja fram gögn um vörur og sérhæfða vörulista

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Áhugasamir einstaklingar eru hvattir til að sækja um óháð kyni. Umsókn skal fylgja ferilskrá og afrit af ökuréttindum. Öllum umsóknum um starfið verður svarað þegar ákvörðun um ráðningu hefur verið tekin. Umsóknir geta gilt í sex mánuði frá því að umsóknarfrestur rennur út.

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

Starfshlutfall er 100%

Umsóknarfrestur er til og með 28.10.2024