Laus störf Hæfnileit Vinnustaðir Námskeið

Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með 25 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa um 3500 sérfræðingar í upplýsingatækni.

Vinnustaðurinn

Vöru- og verkefnastjóri Boost.ai

Advania leitar að vöru- og verkefnastjóra fyrir Boost.ai, öflugt spjallmenni sem er notað af mörgum stærstu fyrirtækjum í Evrópu og Bandaríkjunum. Boost.ai er gervigreindarlausn sem hjálpar fyrirtækjum að sjálfvirknivæða samskipti, bæta þjónustu og skapa einstaka upplifun fyrir viðskiptavini. Þetta er tækifæri til að taka þátt í hraðri þróun á sviði gervigreindar og móta framtíð stafrænnar þjónustu.

Hlutverk þitt

Stýra innleiðingu og þróun Boost.ai lausna hjá viðskiptavinum.
Tryggja framgang verkefna frá hugmynd til afhendingar með áherslu á gæði og árangur.
Vinna náið með viðskiptavinum og teymum Advania til að skilgreina þarfir og móta lausnir sem nýta gervigreind til fulls.
Fylgjast með nýjustu þróun í AI og spjallmennaþróun og koma með hugmyndir að nýjum lausnum.

Menntunar- og hæfniskröfur

Háskólamenntun í tölvunarfræði, verkfræði, viðskiptafræði eða sambærilegum greinum.
Reynsla af verkefnastjórnun og/eða vörustjórnun.
Þekking á gervigreind, sjálfvirknivæðingu og stafrænum lausnum er kostur.
Skipulagshæfni, lausnamiðuð hugsun og framúrskarandi samskiptahæfni.
Góð íslensku- og enskukunnátta í rituðu og töluðu máli.

Af hverju Advania?

Hjá okkur færðu tækifæri til að vinna með nýjustu tækni, öflugum teymum og hafa raunveruleg áhrif á stafræna vegferð íslenskra fyrirtækja. Við bjóðum sveigjanleika, frábæran vinnustað og tækifæri til starfsþróunar.

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 7. janúar 2026
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Högni Hallgrímsson, forstöðumaður gervigreindar og sjálfvirkni, [email protected] / 4409000

Auglýsing birt27. nóvember 2025

Umsóknarfrestur7. janúar 2026

Tungumálahæfni