Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Viltu vinna sem jafningi í geðþjónustu Landspítala?

Geðþjónusta Landspítala auglýsir laus til umsóknar spennandi hlutastörf fyrir áhugasama. Um er að ræða störf sem jafningjar (peer supporters) á ýmsum deildum/starfseiningum geðþjónustu. Vinnutími er sveigjanlegur eftir verkefnum hverju sinni. Upphafsdagur starfs er 6. janúar 2025 eða eftir nánara samkomulagi.

Við leitum eftir jákvæðum og ábyrgum einstaklingum með góða samskiptahæfni. Viðkomandi þurfa að hafa persónulega reynslu sem notendur geðheilbrigðisþjónustu, vera tilbúin að deila reynslu sinni í sínu starfi og ígrunda aðstæður, upplifanir, þarfir og reynslu með þjónustuþegum, öðrum jafningjum og samstarfsfólki á deildum.

Starfsþjálfun fer fram með öðrum jafningjum. Ætlast er til að jafningjar séu í reglulegum samskiptum sín á milli og taki þátt í notendaráði geðþjónustu að einhverju marki. Einnig verður jafningjum boðið að fara á námskeið í jafningjastuðningi hafi þeir ekki lokið því. Nýtt starfsfólk fær tækifæri til að hafa áhrif á hvernig, hvar og hvenær starfið er unnið. Hér eru mikil tækifæri til þess að taka þátt í að þróa starfið enn frekar innan geðþjónustunnar og í víðara samhengi.

Menntunar- og hæfniskröfur

Reynsla sem notandi geðheilbrigðisþjónustu er skilyrði

Að hafa setið námskeið um jafningjastuðning er kostur

Þekking á batastefnu/valdeflingu er kostur

Vilji til að vinna að réttindum notenda og geta til að deila eigin reynslu til stuðnings öðrum notendum

Mjög góð samskiptahæfni, skapandi hugsun og frumkvæði

Áreiðanleiki og reglusemi

Geta til að vinna sjálfstætt

Góð samstarfshæfni og geta til að vinna í þverfaglegu teymi

Íslensku- eða enskukunnátta áskilin, önnur tungumálakunnátta er kostur

Almenn tölvukunnátta

Helstu verkefni og ábyrgð

Vinna með fólki sem er í þjónustu hjá geðþjónustu Landspítala

Veita jafningjastuðning við þjónustuþega og stuðla að valdeflingu

Auka og þróa aðkomu jafningja í starfseminni

Virk þátttaka í þverfaglegu samstarfi

Ýmis fjölbreytt verkefni sem koma að starfi jafningja á deildum

Þátttaka í skipulagðri starfsemi deildarinnar

Starfshlutfall: 20-40%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, ráðgjafi, stuðningsfulltrúi, almenn störf

Tungumálahæfni: íslenska 3/5, enska 3/5

Nánari upplýsingar

Halldóra Friðgerður Víðisdóttir, halldfv@landspitali.is,

Geðþjónusta I (sameiginlegt)

Hringbraut

101 Reykjavík

Auglýsing birt11. október 2024

Umsóknarfrestur1. nóvember 2024

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (39)