Laus störf Hæfnileit Vinnustaðir Námskeið

Skógræktin

Skógræktin er ríkisstofnun sem heyrir undir umhverfis- og auðlindaráðuneytið og þjónar skógrækt á Íslandi samkvæmt lögum um skógrækt. Hlutverk Skógræktarinnar er að hafa forystu um uppbyggingu skógarauðlindar á Íslandi með víðtækri samvinnu, vinna að vernd og friðun skóga og draga fram hagrænan, umhverfislegan og samfélagslegan ávinning af sjálfbærri nýtingu skóga.

Vinnustaðurinn

Viltu taka þátt í grænni framtíð?

Skógræktin óskar eftir að ráða sviðstjóra skógarþjónustu stofnunarinnar. Skógarþjónustan sinnir meðal annars verkefnum tengdum skógrækt á lögbýlum og áætlangerð. Leitað er að öflugum einstaklingi sem er tilbúinn að takast á við umfangsmikil verkefni í krefjandi og breytilegu umhverfi. Sviðstjóri skógarþjónustu heyrir beint undir skógræktarstjóra og er hluti af framkvæmdaráði stofnunarinnar.

Menntunar- og hæfniskröfur

Skógfræðimenntun og reynsla af opinberri stjórnsýslu, meistaragráða er æskileg

Þekking og reynsla af skógrækt á lögbýlum

Reynsla af stjórnun og áætlanagerð

Leiðtogahæfileikar

Færni í að koma upplýsingum frá sér í rituðu og töluðu máli

Jákvæðni og hæfni í mannlegum samskiptum

Skipulag, frumkvæði og sjálfstæði í vinnubrögðum

Helstu verkefni og ábyrgð

Ábyrgð á skógarþjónustu og veitingu framlaga til skógræktar á lögbýlum

Dagleg stjórnun skógarþjónustu

Gerð rekstrar- og starfsáætlunar sviðsins

Yfirumsjón með framlögum til skógræktar á lögbýlum

Yfirumsjón með fræmálum, plöntuframleiðslumálum og plöntudreifingu

Að viðhalda góðu samstarfi við skógareigendur

Yfirumsjón með áætlanagerð einstakra svæða og úttektum þeirra

Önnur tilfallandi verkefni

Æskilegt er að umsækjandi geti hafið störf 1. desember nk.

Launakjör eru samkvæmt kjarasamningum opinberra starfsmanna. Um starfskjör, réttindi og skyldur gilda að öðru leyti lög um réttindi og skyldur starfsmanna ríkisins nr 70/1996.

Umsóknarfrestur er til og með 23. september nk.

Skógræktin hefur starfstöðvar um allt land og starfstöð sviðstjóra skógarþjónustu er samkomulagsatriði. Nánari upplýsingar um störfin er að finna á Starfatorgi og á vef Skógræktarinnar, skogur.is/atvinna. Markmið Skógræktarinnar er að stofnunin sé eftirsóttur vinnustaður fyrir starfsfólk með fjölbreytta menntun og bakgrunn. Þá sé starfsmönnum búin góð vinnuaðstaða, greiður aðgangur að upplýsingum og fjölbreyttir möguleikar á símenntun sem stuðli að starfsþróun og verðmætasköpun innan Skógræktarinnar og alls skógræktargeirans.

Skógræktin hefur hlotið jafnlaunavottun, innleitt styttingu vinnuvikunnar og græn skref í ríkisrekstri. Einnig hefur stofnunin sett sér umhverfis- og loftslagsáætlun með tímasettum markmiðum ásamt áætlunum um réttindi, vernd og ábyrgð starfsfólks, s.s. áætlanir um áreitni og einelti ásamt viðbrögðum við slíku.

Sótt er um á Starfatorgi