Skrifstofa Alþingis

Hlutverk skrifstofu Alþingis er að styðja við starfsemi Alþingis svo að þingið og þingmenn geti sinnt hlutverkum sínum samkvæmt stjórnarskrá og lögum. Meginverkefni skrifstofunnar eru að vera forseta til aðstoðar, framfylgja ákvörðunum hans og forsætisnefndar auk ákvarðana á fundi forseta með þingflokksformönnum. Enn fremur að veita alþingismönnum, nefndum og þingflokkum faglega aðstoð og þjónustu, að hafa á hendi almennan rekstur þingsins og stjórnsýslu og að varðveita og miðla upplýsingum um hlutverk og starfsemi Alþingis.

Vinnustaðurinn

Viltu stuðla að vandaðri lagasetningu og virku þingeftirliti

Þá erum við með rétta starfið fyrir þig.

Við leitum að lögfræðingi í nefndadeild á skrifstofu Alþingis. Lögfræðingar starfa fyrir fastanefndir þingsins, í hringiðu stjórnmálanna. Þau veita lögfræðilega ráðgjöf og sjá um faglega yfirferð mála sem koma til meðferðar hjá fastanefndum. Þá hafa þau umsjón með skipulagningu nefndastarfsins og sjá um samskipti við stjórnvöld og aðila utan þings fyrir fastanefndir.

Meginmarkmið nefndadeildar er að stuðla að vandaðri lagasetningu og virku þingeftirliti. Um er að ræða fjölbreytt starf með krefjandi og skemmtilegum verkefnum.

Helstu verkefni og ábyrgð

Lögfræðileg ráðgjöf og fagleg aðstoð við fastanefndir og þingmenn
Yfirferð lagafrumvarpa og annarra þingmála
Gerð lögskýringargagna, svo sem nefndarálita og breytingartillagna
Skipulagning og umsjón með starfi fastanefnda, m.a. samskipti við stjórnvöld og aðila utan þings
Önnur lögfræðileg verkefni fyrir skrifstofu Alþingis

Menntunar- og hæfniskröfur

Embættis- eða meistarapróf í lögfræði
Mjög góð þekking á stjórnskipunarrétti, stjórnsýslurétti og Evrópurétti
Reynsla úr opinberri stjórnsýslu eða af sambærilegu starfi
Reynsla af gerð lagafrumvarpa eða aðkoma að lagasetningarferlinu er kostur
Frumkvæði, sjálfstæði og skipulagshæfni
Faglegur metnaður, jákvæðni og framúrskarandi samskiptahæfni
Mjög gott vald á íslensku og ensku og færni til að tjá sig í ræðu og riti

Laun samkvæmt gildandi kjarasamningi sem forseti Alþingis og Félag starfsmanna Alþingis hafa gert.

Umsækjendur eru beðnir að sækja um starfið í ráðningarkerfi Orra. Umsókn skulu fylgja ferilskrá, kynningarbréf þar sem umsækjandi rökstyður hæfni sína til að gegna starfinu, staðfesting á prófgráðum og upplýsingar um meðmælendur. Umsóknir gilda í sex mánuði frá því að umsóknarfrestur rennur út. Til stendur að ráða í eina stöðu en einnig kemur til greina að ráða samhliða í tímabundna afleysingarstöðu. Öllum umsóknum verður svarað þegar ákvörðun um ráðningu liggur fyrir.

Tekið er mið af jafnréttisáætlun skrifstofu Alþingis við ráðningar. Starfið hentar öllum kynjum og áhugasöm eru hvött til að sækja um. Skrifstofa Alþingis hefur hlotið jafnlaunavottun og starfar í samræmi við betri vinnutíma. Gildi skrifstofu Alþingis eru fagmennska, virðing og framsækni.

Nánari upplýsingar um starfsemi Alþingis og skrifstofu þingsins er að finna á vef Alþingis.

Auglýsing birt4. september 2024

Umsóknarfrestur18. september 2024

Tungumálahæfni