Umhverfisstofnun

Hlutverk Umhverfisstofnunar er að annast þjónustu og ákvarðanir er varða umhverfisgæði og náttúruvernd. Starfsemin fer fram á níu starfsstöðvum um allt land en bæði á Borgum á Akureyri og á Suðurlandsbraut í Reykjavík er starfað í verkefnamiðuðu vinnuumhverfi. Starfsstöðvarnar okkar eru: Akureyri, Mývatnssveit, Egilsstaðir, Hella, Reykjavík, Hvanneyri, Hellissandur, Patreksfjörður og Ísafjörður. Við sjáum um: Friðlýst svæði (önnur en Vatnajökulsþjóðgarð og Þingvallaþjóðgarð) og Þjóðgarðinn Snæfellsjökul Vernd á lífríki og veiðar á villtum fuglum og villtum spendýrum Losunarbókhald Íslands vegna skuldbindinga í loftslagsmálum Mengunarvarnir – útgáfa leyfa og eftirlit Umsagnir vegna mats á umhverfisáhrifum og skipulags Efnamál – vernd heilsu og umhverfis Hringrásarhagkerfi - innleiðing og grænn lífsstíll Vatnamál - stjórnun vatnamála Bráðamengun í hafi - viðbragð

Vinnustaðurinn

Viltu leiða verkefni sem tryggir verndun vatns á Íslandi?

Hjá Umhverfisstofnun er laust til umsóknar starf verkefnastjóra í umfangsmikið og spennandi verkefni sem snýr að því að tryggja góð vatnsgæði um allt land.

Um er að ræða samstarfsverkefni 23 aðila, stofnana, fyrirtækja og sveitarfélaga, sem snýr að innleiðingu aðgerða s.s. við úrbætur í fráveitu, úrbætur í stjórnsýslu, innleiðing nýrra lausna við að draga úr mengun í vatn, auka þekkingu í gegnum fræðslu og miðlun ásamt því að tryggja gott samstarf og sjálfbærni málaflokksins til framtíðar. Verkefnið er styrkt af LIFE, umhverfis- og loftslagsáætlun Evrópusambandsins.

Umhverfisstofnun leiðir verkefnið og mun verkefnastjóri vera hluti af öflugu teymi sérfræðinga í málefnum hafs og vatns ásamt verkefnastjórn verkefnis. Viðkomandi mun starfa í fjölbreyttu umhverfi þar sem áhersla er lögð á þverfaglega samvinnu.

Helstu verkefni og ábyrgð

Verkefnastjórnun samstarfsverkefnisins
Samskipti við samstarfsaðila í verkefninu auk hagaðila
Samskipti við styrkveitanda (CINEA)
Miðlun á afurðum verkefnisins
Aðstoð við undirbúning annarra umsókna í alþjóðlega sjóði

Menntunar- og hæfniskröfur

Háskólamenntun sem nýtist í starfi
Menntun á sviði verkefnastjórnunar er æskileg
Reynsla af rekstri stórra verkefna, t.d. Evrópuverkefna á sviði rannsókna og nýsköpunar, er æskileg
Góð samstarfshæfni og sveigjanleiki í samskiptum er nauðsynleg
Skipulögð og sjálfstæð vinnubrögð
Reynsla af að starfa í teymi
Hæfni í miðlun upplýsinga með áhrifaríkum hætti í ræðu og riti
Þekking á opinberri stjórnsýslu er kostur
Menntun á sviði náttúruvísinda er kostur
Gott vald á íslensku og ensku bæði í ræðu og riti
Góð stafræn hæfni