Laus störf Hæfnileit Vinnustaðir Námskeið

Rarik ohf.

Rarik er fjölskylduvænt og leiðandi tæknifyrirtæki með ríka samfélagslega ábyrgð. Hlutverk okkar er að auka verðmætasköpun og lífsgæði viðskiptavina með öruggri afhendingu á endurnýjanlegri orku og samfélagslega ábyrgum rekstri. Hjá okkur vinna rúmlega 200 á 20 starfsstöðvum vítt og breytt um landið og öll sérfræðistörf hjá okkur eru auglýst óháð staðsetningu sem þýðir að hægt er að velja á milli starfsstöðva. Við leggjum áherslu á fjölbreyttan mannauð og tökum vel á móti alls konar fólki.

Vinnustaðurinn

Viltu gera gagn? Gagnasöfnun og skráning í landupplýsingakerfi

Við leitum að nákvæmri og tæknivæddri manneskju með áhuga á kortum, kerfum og raunverulegum gögnum sem skipta máli. Um er að ræða sumarstarf í nýlagnateymi okkar sem hentar vel nemum sem vilja fá alvöru starfsreynslu á ferilskrána sína.

Helstu verkefni og ábyrgð

Sumarstarfmaður nýlagnateymis hjálpar okkur að safna, skrá og halda utan um gögn fyrir innviði raf- og hitaveitu. Meðal helstu verkefna eru t.d. skráning og upplýsingavinnsla í landupplýsingakerfi (GIS), teikning einlínu- og kerfismynda, viðhald gagna og önnur tilfallandi verkefni. Já stundum koma upp óvænt verkefni og það er hluti af fjörinu.

Menntunar- og hæfniskröfur

Það er óþarfi að vera gagna-ninja frá fyrsta degi en við munum sérstaklega horfa eftir góðri tölvukunnáttu og tæknilæsi, nákvæmni og skipulagshæfni, sjálfstæðum vinnubrögðum og getu til að vinna með margvísleg gögn og gagnasöfn. Önnur atriði sem við horfum til eru áhugi, þekking eða reynsla af landupplýsingakerfum, þekking eða reynsla af vinnu við raf- eða hitaveitu og góð samskiptahæfni.

Þetta er ekki bara sumarvinna heldur innsýn inn í framtíðina og orkugeirann. Hjá okkur færðu fjölbreytt og áhugavert starf í lifandi starfsumhverfi og verkefni sem skipta máli. Hér er tækifæri til að komast í samband við og læra af fólki með mikla reynslu og þekkingu á raforkukerfinu hjá þekkingar- og þjónustufyrirtæki í fararbroddi.

Við nýtum bestu fáanlegu tækni með gagnkvæman hag að leiðarljósi, leggjum áherslu á jafnrétti og fjölbreytileika mannauðs og bjóðum upp á sveigjanlega staðsetningu á starfsstöðvum okkar vítt og breytt um landið.

Tengdu þig við okkur ef þú vilt spennandi sumarstarf.

Nánari upplýsingar um starfið veitir Daníel Leó Ólason, deildarstjóri nýlagna, í gegnum netfangið [email protected].

Auglýsing birt22. janúar 2026

Umsóknarfrestur23. febrúar 2026

Tungumálahæfni