Orka náttúrunnar

Orka náttúrunnar framleiðir ekki bara umhverfisvæna orku fyrir heimili, fyrirtæki og farartæki heldur leggur líka ríka áherslu á rannsóknir og nýsköpun til að tryggja komandi kynslóðum betri lífsgæði. Vernda, styrkja og endurheimta er grunnstefið í umgengni ON við náttúruna og er stolt starfsfólksins. Orka náttúrunnar hefur sett sér það markmið að verða kolefnishlutlaust árið 2030. Mörg skref hafa verið tekin í þá átt og hafa sömuleiðis mörg verkefni, sem unnin eru í samstarfi við okkar fremsta vísindafólk, hlotið verðskuldaða athygli víða um heim.

Vinnustaðurinn

Viltu ganga til liðs við virkjanavakt Orku náttúrunnar?

Vakthópur virkjana er öflugur hópur sem sér um að reka og vakta virkjanir okkar, ásamt því að sinna daglegu viðhaldi.

Ef þú hefur lokið námi í vélstjórn/vélfræðum og ert með sveinspróf í vélvirkjun, býrð yfir ríkri öryggisvitund og hefur reynslu af störfum tengdum stóriðju, virkjunum eða sambærilegu þá hvetjum við þig til þess að kynna þér starfið sem hér um ræðir.

Helstu verkefni og ábyrgð

Á meðal helstu verkefna starfsins eru daglegur rekstur, eftirlit og viðhald aflstöðva, spennustöðva og annarra veitumannvirkja.

Vakthópurinn gegnir lykilhlutverki í að öryggiskröfum ON sé fylgt í hvívetna.

Starfinu fylgja fastar bakvaktir samkvæmt vaktaskipulagi hverju sinni.

Menntunar- og hæfniskröfur

Sterk og rík öryggisvitund er skilyrði
Skipulögð-, sjálfstæð- og öguð vinnubrögð
Þekking á DMM viðhaldsstjórnunarkerfinu er kostur
Reynsla úr stóriðju, virkjunum eða sambærilegu er kostur.
Sveinspróf í vélvirkjun

Boðið er upp á akstur frá Bæjarhálsi og Selfossi/Hveragerði/Þorlákshöfn. Akstur fer fram á vinnutíma.

Við tökum jafnréttið alvarlega

Við viljum hafa sem fjölbreyttastan hóp starfsfólks og hvetjum því öll kyn til að sækja um starfið.

Umsóknarfrestur er til og með 16. febrúar 2025.

Eingöngu er tekið á móti umsóknum á ráðningarvef ON, starf.on.is.

Nánari upplýsingar veitir Birna Björnsdóttir, forstöðumaður Orkuframleiðslu ON, [email protected].

Af hverju Orka náttúrunnar?

https://www.on.is/af-hverju-on/

Orka náttúrunnar framleiðir og selur rafmagn til allra landsmanna auk þess að framleiða heitt vatn fyrir höfuðborgarsvæðið. Við rekum virkjanir á Hellisheiði, Nesjavöllum og við Andakílsá.

Við erum leiðandi í umhverfisvænum orkuskiptum á Íslandi, nýtingu auðlindastrauma og höfum sett okkur metnaðarfull loftslagsmarkmið. Við nýtum auðlindir Íslands af ábyrgð og nærgætni með það að leiðarljósi að bæta lífsgæði núna og í framtíðinni.

Hjá okkur ríkir jákvæður starfsandi sem einkennist af sterkri liðsheild, uppbyggilegum skoðanaskiptum og virðingu í samskiptum. Við bjóðum upp á fyrsta flokks aðbúnað og fjölskylduvænan vinnutíma.

Hvernig vinnustaður er Orkuveitan?

Auglýsing birt4. febrúar 2025

Umsóknarfrestur16. febrúar 2025

Tungumálahæfni