EFLA hf

EFLA er leiðandi þekkingarfyrirtæki sem veitir fjölbreytta þjónustu á öllum helstu sviðum verkfræði, tækni og tengdra greina. Hjá EFLU starfa um 400 starfsmenn í samstæðu fyrirtækisins á Íslandi og erlendis. EFLA hefur á að skipa mjög hæfu og reynslumiklu fagfólki á fjölmörgum sviðum. Sameiginlegt markmið þess er að auka virði fyrir viðskiptavinina með því að veita bestu mögulegu þjónustu og lausnir.

Vinnustaðurinn

Vilt þú starfa við mælingar á Suðurlandi?

EFLA leitar að metnaðarfullum einstaklingi sem brennur fyrir mælingum og hefur áhuga á að tilheyra öflugu teymi þéttbýlistækni sem er staðsett á Selfossi. Í þessu starfi gefst kostur á að nýta þekkingu hjá rótgrónu þekkingarfyrirtæki og starfa með reynslumiklum sérfræðingum. Starfið býður upp á fjölbreytt verkefni þar sem nákvæmni, athygli til smáatriða og sérþekking mælitækja mun gegna lykilhlutverki.

Helstu verkefni og ábyrgð

Innmælingar vegna hönnunar og magntöku
Útsetningar
Eftirlitsmælingar
Verktakaþjónusta
Mæling fastmerkja
3D skönnun
Gerð lóða- og hæðarblaða
Ýmis tilfallandi CAD tengd verkefni

Menntunar- og hæfniskröfur

Menntun sem nýtist í starfi, t.d. verkfræði, tæknifræði eða landfræði er kostur
Reynsla af mælingum og notkun hönnunarforrita t.d. Trimble business center, Civil3D, AutoCad ofl. er kostur
Góð almenn tölvukunnátta
Frumkvæði, sjálfstæð vinnubrögð, jákvæðni og lipurð í mannlegum samskiptum
Gott vald á íslensku og ensku, þekking á Norðurlandamáli er kostur

Fríðindi í starfi

Góður og hollur matur í hádeginu
Vellíðunarstyrkur
Samgöngustyrkur
Hreyfistyrkur
Gleraugnastyrkur
Fæðingarstyrkur
Símastyrkur
Símaáskrift og heimatenging

EFLA er þekkingarfyrirtæki sem starfar á sviði verkfræði og tækni. 
 
EFLA leggur mikla áherslu á að bjóða upp á nærþjónustu um allt land og starfrækir öflugar starfsstöðvar á landsbyggðinni. Við bjóðum störf óháð staðsetningu svo starfsfólk geti búið í sinni heimabyggð hvar sem er á landinu, unnið í spennandi verkefnum og tilheyrt öflugum teymum. Um fjórðungur starfsfólks EFLU starfar á landsbyggðinni. 
 
Við bjóðum upp á afbragðs starfsumhverfi, sveigjanlegan vinnutíma og góðan starfsanda. 
 
Öll starfsemi EFLU byggir á teymishugsun þar sem samvinna, þátttaka og samábyrgð í sterkri liðsheild eru grundvallaratriði. Gildi EFLU eru hugrekki, samvinna og traust og leggjum við mikið upp úr því að fá til liðs við okkur kraftmikið, jákvætt og metnaðarfullt starfsfólk sem skarar fram úr á sínu sviði. 
 
EFLA er jafnlaunavottað fyrirtæki og hefur unnið frumkvöðlastarf í sjálfbærum rekstri. 

Nánari upplýsingar um vinnustaðinn 

Nánari upplýsingar um stefnur EFLU

Persónuverndaryfirlýsing til umsækjenda 

Um svið og starfsstöðvar EFLU

Auglýsing birt6. október 2024

Umsóknarfrestur21. október 2024

Tungumálahæfni