Orkuveitan

Orkuveitan styður vaxandi samfélög, heimili og atvinnulíf með nýsköpun í orku, veitustarfsemi og kolefnisbindingu. Hjá Orkuveitunni leggjum við áherslu á að vinna með fólki með fjölbreyttan bakgrunn sem býr yfir eða hefur vilja til að byggja upp þá hæfni sem hentar verkefnum hverju sinni. Við tökum forystu í verkefnum og hjá okkur ríkir jákvæður starfsandi. Við tryggjum góðan aðbúnað, sveigjanleika og sköpum starfsfólki aðstæður til að samræma kröfur vinnu og annarra þátta lífsins. Við nýtum okkur tækni í starfsumhverfi og starfsfólk nýtur jafnréttis. Saman erum við lipur, lærdómsfús og óhrædd að prófa nýja hluti til að skapa eftirtektarverðar lausnir og ná hámarks árangri fyrir viðskiptavini og samfélagið.

Vinnustaðurinn

Vilt þú leiða rannsóknir á vatnsaflskostum?

Rannsóknar og nýsköpunarsvið Orkuveitunnar leitar að framsýnum einstaklingi til að leiða rannsóknir á vatnsaflskostum. Við leitum að einstaklingi sem hefur brennandi áhuga og þekkingu á vatnsafli, býr yfir hæfni til að vinna í þverfaglegum teymum og vill efla græna orkuöflun með ábyrgri auðlindanýtingu.

Helstu viðfangsefni

Helstu viðfangsefnin eru vinna í teymi sérfræðinga við að stýra rannsóknum á vatnsaflskostum og taka þátt í að vinna að markmiðum Orkuveitunnar, að vera forystuafl í orkuskiptum og þróun í átt að kolefnishlutlausri framtíð. Þar sem leiðarljósið er að tryggja íbúum og atvinnulífi birtu, vatn og yl til framtíðar.

Menntunar- og hæfniskröfur

Leiðtogahæfni með framúrskarandi samstarfs- og samskiptahæfni
Yfirgripsmikil þekking á vatnsafli og áhugi á sjálfbærri nýtingu auðlinda
Reynsla af verkefnastjórnun
Frumkvæði og lausnarmiðuð hugsun
Skipulagshæfni og útsjónarsemi
Háskólapróf á sviði jarðvísinda, orkuvísinda eða skyldra greina er nauðsynleg
Gott vald á íslensku og ensku í rituðu og töluðu máli

Við bjóðum þér:

Spennandi og krefjandi verkefni í nýsköpunarumhverfi í öflugu teymi
Stuðning við þróun þekkingar og hæfni í samræmi við þarfir framtíðar
Fjölbreytt og stuðningsríkt vinnuumhverfi
Samkeppnishæf laun og fríðindi
Sveigjanlegan vinnutíma
Líkamsræktaraðstöðu
Framúrskarandi aðbúnað
Öruggan og inngildandi vinnustað
Fjölbreytt og öflugt félagslíf

Hvernig vinnustaður er Orkuveitan? (kynningarmyndband)

Um okkur

Orkuveitan samanstendur af móðurfélaginu og fjórum dótturfélögum, Orku náttúrunnar, Veitum, Ljósleiðaranum og Carbfix og hefur það hlutverk að styðja vaxandi samfélag, heimili og atvinnulíf með nýsköpun í orku, veitustarfsemi og kolefnisbindingu.

Þetta starf fellur undir teymið Nýir orkukostir sem er hluti af Rannsóknar- og nýsköpunarsviði Orkuveitunnar. Sviðið er öflugt og samhent teymi sem horfir til langs tíma í starfsemi Orkuveitunnar. Við tryggjum, verndum og treystum á sjálfbæra og sporlausa nýtingu auðlinda okkar á grunni umfangsmikils rannsóknar- og nýsköpunarstarfs. Sviðið ber m.a. ábyrgð á vöktun og stýringu auðlindanýtingar hjá Veitum og Orku náttúrunnar, öflun nýrra orkukosta og neysluvatnsauðlinda og tekur þátt í alþjóðlegum nýsköpunarverkefnum og rannsóknasamstarfi. Áhersla er nú á að afla aukinnar orku úr vatnsafli með það markmið að viðhalda þeim grunni lífsgæða sem við þekkjum í dag.

Við erum forystuafl fjölbreytileika og jafnréttis. Rannsóknir hafa sýnt að fjölbreytileiki leiðir til betri árangurs og því hvetjum við öll sem uppfylla grundvallarskilyrði starfsins til að sækja um.

Umsóknarfrestur er til og með 3. nóvember nk.

Nánari upplýsingar veitir Harpa Pétursdóttir, forstöðukona Nýrra orkukosta, harpa.petursdottir@orkuveitan.is

Auglýsing birt10. október 2024

Umsóknarfrestur3. nóvember 2024

Tungumálahæfni