Íslandsstofa

Íslandsstofa er samstarfsvettvangur atvinnulífsins og stjórnvalda og hefur það hlutverk að auka gjaldeyristekjur þjóðarinnar með þróttmiklu starfi í þágu íslenskra útflutningsgreina. Með faglegu kynningarstarfi og samræmdum skilaboðum vekjum við áhuga á íslenskum vörum og þjónustu á erlendri grundu og kynnum Ísland sem ákjósanlegan áfangastað erlendra ferðamanna og vænlegum kosti fyrir beina erlenda fjárfestingu. Með fræðslu og ráðgjöf eflum við samkeppnishæfni íslenskra fyrirtækja og búum þau undir sókn á erlenda markaði. Í samstarfi við miðstöðvar skapandi greina vekjum við athygli á íslenskri menningu og listum og styðjum við kynningu á þeim erlendis

Vinnustaðurinn

Viðskiptastjóri í ferðaþjónustuteymi Íslandsstofu

Íslandsstofa auglýsir eftir viðskiptastjóra með mikinn metnað og áhuga á ferðaþjónustu og markaðssetningu Íslands. Meginmarkmið starfsins er að vinna að viðskiptaþróun og kynningarmálum í þágu íslenskrar ferðaþjónustu samkvæmt ferðamálastefnu stjórnvalda og útflutningsstefnu Íslands. Starfið felur í sér að skipuleggja viðburði, byggja upp sérfræðiþekkingu á mörkuðum, efnisgerð, markaðsgreiningar, kynningar o.fl.

Helstu verkefni og ábyrgð

Undirbúningur, skipulagning og framkvæmd viðskiptatengslaviðburða á erlendum mörkuðum
Greining tækifæra á erlendum mörkuðum í samstarfi við hagaðila
Mynda og viðhalda tengslum við fyrirtæki og aðra mikilvæga hagaðila, innanlands og erlendis
Áætlanagerð og árangursmælingar

Menntunar- og hæfniskröfur

Háskólamenntun sem nýtist í starfi
Hæfni til að tjá sig í ræðu og riti á frönsku og ensku
Hæfni til að tjá sig í ræðu og riti á þýsku mikill kostur
Farsæl reynsla af stjórnun verkefna/viðburða
Þekking og/eða reynsla úr ferðaþjónustu
Færni til að vinna vel í teymi
Menningarlæsi, frumkvæði, samskipta- og samstarfshæfni, jákvæðni og hugmyndaauðgi

Íslandsstofa er samstarfsvettvangur atvinnulífs og stjórnvalda. Íslandsstofa sinnir mörkun og markaðssetningu fyrir Ísland og íslenskar útflutningsgreinar, styður íslensk fyrirtæki í sókn á erlenda markaði og greiðir götu erlendrar fjárfestingar í íslensku atvinnulífi.

Framtíðarsýn langtímastefnu fyrir íslenskan útflutning er að Ísland verði þekkt sem leiðandi land á sviði sjálfbærni.

Nánari upplýsingar um starfið veitir Sigríður Dögg Guðmundsdóttir, forstöðumaður útflutnings og fjárfestinga [email protected].

Auglýsing birt15. júlí 2024

Umsóknarfrestur11. ágúst 2024

Tungumálahæfni