Viðskiptafræðingur - viðurkenndur bókari

Við leitum að reynslumiklum bókara til liðs við okkur í Fastlandi.

Fastland er framsækið bókhaldsfyrirtæki sem veitir persónulega og faglega þjónustu í öllum hliðum fjármála fyrir atvinnurekstur. Við leggjum áherslu á skýra upplýsingagjöf til að styðja viðskiptavini okkar í daglegum rekstri, svo þeir geti sinnt sínum hugðarefnum með hugarró. Við erum stolt af því að veita ráðgjöf og þjónustu á mannamáli.

Ert þú skipulagður einstaklingur með ástríðu fyrir bókhaldi?

Vegna aukinna umsvifa leitum við að öflugum og metnaðarfullum bókara til að sinna afstemmingum, skilum á virðisaukaskatti og frágangi bókhalds til uppgjörs. Unnið er á DK bókhaldskerfi fyrir flesta viðskiptavini. Starfið er krefjandi og krefst nákvæmni þar sem unnið er í tímaskráningu og oft undir álagi vegna skilafresta Skattsins.