Verkstjóri garðyrkju - Þjónustumiðstöð

Hafnarfjarðarbær óskar eftir að ráða verkstjóra í þjónustumiðstöð. Þjónustumiðstöð heyrir undir umhverfis- og skipulagssvið og er staðsett að Norðurhellu 2. Um er að ræða 100% stöðugildi.

Í þjónustumiðstöð Hafnarfjarðar eru 20 stöðugildi og starfa starfsmenn við mjög fjölbreytt viðhaldsverkefni á svæðum bæjarins sem og við stofnanir.

Helstu verkefni og ábyrgð:

• Verkstýrir tækjamönnum, öðru starfsfólki og verktökum sem við á, t.d. sumarstarfsmönnum. Ber ábyrgð á þeim verkefnum sem honum er falið hverju sinni
• Viðhald, eftirlit, hönnun og umsjón með gróðri á opnum svæðum. Val á plöntum og ráðgjöf um gróður, jarðveg og umhirðu
• Viðhald, eftirlit og umhirða á gróðri á opnum svæðum
• Viðhald, viðgerðir og eftirlit á útibekkjum, borðum og bekkjum, flaggstöngum, fánaborgum, trjágrindum og uppbindingum o.fl.
• Ýmis vinna vegna jólaskreytinga, hátíðarhalda, kosninga og ýmissa viðburða á vegum bæjarins
• Önnur verkefni samkvæmt starfslýsingu

Menntunar- og hæfniskröfur:

• Sveinspróf í skrúðgarðyrkju/garðyrkju
• Reynsla af sambærilegum störfum svo sem garðyrkju- og umhverfisstörfum
• Reynsla af stjórnunarstörfum kostur
• Reynsla af akstri stærri ökutækja og vinnuvéla
• Líkamlega fær um að sinna þeim verkefnum sem starfið felur í sér og hæfni til að aðlagast breyttum aðstæðum
• Góð íslensku- og enskukunnátta í orði og riti
• Aukin ökuréttindi á vörubifreið yfir 3.500 kg kostur.
• Vinnuvélaréttindi á stærri tæki

Hafsteinn Viktorsson, forstöðumaður þjónustumiðstöðvar, í síma 585-5670 eða í gegnum tölvupóst: [email protected]

Launakjör eru samkvæmt kjarasamningi Sambands íslenskra sveitarfélaga við viðkomandi stéttarfélag.

Umsóknarfrestur er til og með 28.01.2026.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.