Ístak hf

Við erum framsækið verktakafyrirtæki þar sem framkvæmdagleði er í fyrirrúmi. Við veitum ávallt bestu þjónustu sem völ er á og leggjum metnað í að uppfylla kröfur viðskiptavina okkar. Hjá Ístaki starfa hátt á fimmta hundrað manns við spennandi og fjölbreytt verkefni. Við kappkostum að vera eftirsóknarverður vinnustaður í byggingageiranum þar sem hver starfsmaður er metinn að verðleikum eftir hæfni og frammistöðu án tillits til kyns, aldurs eða þjóðernis. Við leggjum mikið upp úr góðu og sveigjanlegu starfsumhverfi fyrir starfsfólkið okkar og styðjum vel við öflugt starfsmannafélag. Kynntu þér störf í boði eða leggðu inn almenna umsókn.

Vinnustaðurinn

Verkstjóri

Ístak leitar að smíðaverkstjóra sem stýrir framkvæmdavinnu á vinnustöðum Ístaks og tryggir að hún sé í samræmi við væntingar fyrirtækis og verkkaupa hverju sinni. Verkstjóri vinnur að því að umgengni, aðstaða, öryggi og frágangur á vinnustað sé samkvæmt lögum og gæðakröfum fyrirtækisins.

Ístak er leiðandi verktakafyrirtæki og hluti af danska verktakafyrirtækinu Per Aarsleff. Fyrirtækið annast framkvæmdir á ýmsum sviðum, s.s. byggingar af ýmsu tagi, virkjanir, stóriðjuframkvæmdir, jarðvinnuverk, hafnarframkvæmdir, ásamt vega- og brúargerð.

Helstu verkefni og ábyrgð

Stjórnun og eftirlit með vinnu starfsfólks og undirverktaka og sjá til þess að störfum sé hagað í samræmi við verkáætlun og þarfir verkefnisins hverju sinni.
Skipulagning verkefna á hagkvæman hátt í samræmi við kröfur, verklýsingar og teikningar í samráði við tæknimenn og stjórnendur.
Rýna verkgögn og sjá til þess að starfsmenn hafi réttar teikningar, lýsingar, upplýsingar um viðeigandi efni og annað sem þarf til að framkvæma verk samkvæmt kröfum.
Eftirlit með umgengni og notkun eigna og tækja sem og með aðstæðum á vinnustað.
Öflun á mannskapi, verkfærum, tækjum og efni í samráði við staðarstjóra.
Utanumhald með frávikaskráningu í samráði við tæknimenn og stjórnendur.
Gæðaúttektir í samráði við tæknimenn og stjórnendur.
Þátttaka í verkfundum.
Framvinduskýrslugerð og rýni reikninga.
Önnur tilfallandi verkefni á vinnustað.