GG Verk ehf

GG Verk er 18 ára gamalt byggingafyrirtæki sem er með alþjóðlega ISO9001 gæðavottun og háa starfsánægju. Þar starfar öflugur hópur fólks við að byggja vönduð mannvirki innan tilskilins tímaramma, af framúrskarandi metnaði og umhyggju fyrir fólki og umhverfi. Hjá okkur starfa um 120 manns en við leggjum mikið upp úr því að laða til okkar fólk sem vill vaxa í starfi, vinnur sjálfstætt, hefur góða tækni- og fagþekkingu, er árangursdrifið en umfram allt setur fólk í fyrsta sæti. Við erum stolt af því að hafa hlotið viðurkenningar og vottanir fyrir að vera Framúrskarandi fyrirtæki frá Credit Info, Fyrirmyndarfyrirtæki frá Viðskiptablaðinu, viðurkenninguna Jafnvægisvogina frá FKA frá árinu 2020 og Jafnlaunavottun árið 2023.

Vinnustaðurinn

Verkstjórar byggingaframkvæmda

Vegna traustrar verkefnastöðu óskum við eftir að ráða fleiri metnaðarfulla og drífandi verkstjóra.

Leitað er að áreiðanlegum, metnaðarfullum og drífandi einstaklingum sem setja fólk í fyrsta sæti og sýna auk þess fyrirhyggju og ábyrgð í verki.

Hjá okkur starfa verkstjórar við að stýra framleiðslu stærri mannvirkja og bera bæði lagalegar skyldur og mikla ábyrgð í starfi. Um er að ræða mjög yfirgripsmikil og fjölbreytt verkefni.

Hjá okkur starfa um 120 manns en við leggjum mikið upp úr því að laða til okkar fólk sem vill vaxa í starfi, vinnur sjálfstætt, hefur góða tækni- og fagþekkingu, er árangursdrifið en umfram allt setur fólk í fyrsta sæti.

Helstu verkefni og ábyrgð

Hægri hönd verkefnastjóra við rekstur verkefnis
Undirbúningur, skipulag og stýring byggingaframkvæmda
Rýni teikninga og skipulag vinnusvæðis
Innri gæða- og öryggisúttektir
Dagskýrslugerð og frábrigðaskráning
Umsjón með aðstöðu og vélabúnaði

Menntunar- og hæfniskröfur

Reynsla af húsasmíði og verkstýringu stærri mannvirkja
Meistarapróf eða sveinspróf í húsasmíði
Leiðtogahæfni í mannauðs, gæða og öryggismálum
Mikil hæfni í mannlegum samskiptum og teymisvinnu
Rík öryggisvitund
Tækni- og tölvufærni
Góð enskukunnátta
Hreint sakarvottorð er skilyrði

Fríðindi í starfi

Ýmis afsláttarkjör starfsfólks félagsins
Árlegur heilsueflingarstyrkur
Vinnubifreið til afnota og bensínstyrkur
Greiddur símareikningur

Hlutverk GG Verk er að byggja vönduð mannvirki sem byggð eru innan tilskilins tímaramma - af framúrskarandi fagmennsku og umhyggju fyrir fólki og umhverfi.

Við setjum fólk ávallt í fyrsta sæti og sýnum ábyrgð með því að lágmarka sóun í þágu umhverfisins og viðskiptavina. Við tryggjum áreiðanleika með fyrirhyggju og fyrirbyggjandi lausnum.

GG Verk er lifandi og skemmtilegur vinnustaður þar sem ríkir góður starfsandi og sterk liðsheild. Hjá okkur starfa um 120 sérfræðingar í mannvirkjagerð, hver á sínu sviði, sem vilja bjóða nýjum snillingum velkomin í okkar öfluga teymi. Við hvetjum því einstaklinga af öllum kynjum til þess að sækja um.

Auglýsing birt9. október 2024

Umsóknarfrestur31. október 2024

Tungumálahæfni