Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Verkefnastjóri skipulagsmála hjá Akureyrarbæ

Viltu taka þátt í að móta framtíð Akureyrarbæjar? Ef svo er, þá er laust til umsóknar spennandi starf verkefnastjóra skipulagsmála.

Um fullt starf er að ræða sem er ótímabundið með sveigjanlegum vinnutíma. Meginstarfsstöð er í Ráðhúsinu á Akureyri en möguleiki er að vinna í fjarvinnu af og til ef það hentar. Starfið hefur í för með sér fulla styttingu vinnuviku og frábært mötuneyti.

Æskilegt er að viðkomandi geti hafið störf sem fyrst eða eftir samkomulagi.

Næsti yfirmaður er skipulagsfulltrúi.

Helstu verkefni og ábyrgð

Umsjón með aðal- og deiliskipulagsverkefnum á vegum bæjarins í samvinnu við skipulagsfulltrúa og aðra hagsmunaaðila.
Umsjón með stjórnsýslu varðandi afgreiðslu skipulagsmála.
Vinna að kynningarmálum um skipulagsmál.
Annast samskipti við Skipulagsstofnun og aðrar opinberar stofnanir.
Veita upplýsingar um skipulagsmál til íbúa- og annarra hagsmunaaðila.

Menntunar- og hæfniskröfur

Gerð er krafa um háskólamenntun í arkitektúr, landslagsarkitektúr, skipulagsfræði, landfræði, eða aðra menntun sem nýtist í starfi (BA, BS eða B.Ed.).
Starfsreynsla á sviði skipulagsmála er kostur.
Þekking á opinberri stjórnsýslu og verklagi er kostur.
Sjálfstæð vinnubrögð og frumkvæði í starfi og færni til að tileinka sér nýjungar.
Framúrskarandi hæfni í samskiptum og rík þjónustulund.
Góð almenn tölvukunnátta.
Góð íslenskukunnátta og hæfni til þess að tjá sig í ræðu og riti.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Pétur Ingi Haraldsson skipulagsfulltrúi í síma 460-1142 eða í gegnum netfangið peturingi@akureyri.is

Einungis er tekið á móti rafrænum umsóknum.

Umsóknarfrestur er til og með 3. október 2024.

Auglýsing birt5. september 2024

Umsóknarfrestur3. október 2024

Tungumálahæfni