Listahátíð í Reykjavík

Listahátíð í Reykjavík er þverfagleg listahátíð með áherslu á nýsköpun. Hún fer fram í hefðbundnum og óhefðbundnum rýmum um alla borg og teygir sig jafnframt út fyrir borgarmörkin. Listahátíð í Reykjavík hefur verið leiðandi afl í íslensku menningarlífi frá stofnun árið 1970. Hún var tvíæringur frá upphafi en á árunum 2005-2016 var hún haldin árlega. Frá árinu 2016 er hátíðin aftur orðin að tvíæringi. Mikil listræn fjölbreytni er einkenni Listahátíðar í Reykjavík. Hún vinnur með og leiðir saman opinberar stofnanir og sjálfstæða hópa listamanna á öllum sviðum menningarlífsins. Hún hefur beint frumkvæði að fjölda verkefna, í hefðbundnum og óhefðbundnum rýmum, er alþjóðleg listahátíð sem starfar á breiðum vettvangi. Listahátíð hefur starfað með eða flutt verk eftir mikinn fjölda listamanna. Menning og listir eru ekki forréttindi fárra heldur réttindi allra. Í stefnu Listahátíðar í Reykjavík er lögð rík áhersla á að hátíðin nái til fjölbreytts hóps áhorfenda og að aðgengi sé tryggt að viðburðum fyrir sem flesta. Aðgengismál í víðum skilningi eru höfð til hliðsjónar við allt skipulag hátíðarinnar. Listahátíð fer næst fram 1.-16. júní 2023.

Vinnustaðurinn

Verkefnastjóri listviðburða

Við leitum að verkefnastjóra sem hefur einstaka samskiptahæfileika og fer létt með að halda mörgum boltum á lofti.

Helstu verkefni eru verkefnastjórnun viðburða og samskipti við innlent og erlent listafólk og samstarfsaðila.

Listahátíð býður upp á sveigjanlegt, fjölbreytt og líflegt vinnuumhverfi og óskað er eftir metnaðarfullri manneskju sem hefur áhuga á að vinna að settum markmiðum með drífandi teymi.

Listahátíð fagnar fjölbreytileika mannlífsins í dagskrárgerð sem og hópi starfsfólks.

Starfstímabil verkefnastjóra er frá 1. nóvember 2023 til 30. júní 2024 en fyrst um sinn er starfshlutfall umsemjanlegt.

Listahátíð í Reykjavík fer fram 1. – 16. júní 2024.

Helstu verkefni og ábyrgð

Almenn verkefnastjórn og eftirfylgni viðburða á Listahátíð 2024.

Skipulag ferða, gistingar og dvalar erlends listafólks á Íslandi.

Samskipti við samstarfsaðila og fulltrúa viðburðastaða.

Menntunar- og hæfniskröfur

Reynsla og/eða menntun sem nýtist í starfi.

Reynsla af skipulagningu og framkvæmd menningarviðburða.

Frumkvæði og sjálfstæði í vinnubrögðum.

Skipulagshæfni.