Verkefnastjóri innri endurskoðunar

Lausar eru til umsóknar þrjár stöður verkefnastjóra hjá Innri endurskoðun og ráðgjöf Reykjavíkurborgar.

Innri endurskoðun Reykjavíkurborgar fer með fjármála- og stjórnsýslueftirlit hjá Reykjavíkurborg í umboði borgarráðs og stjórna dótturfélaga. Innri endurskoðun leggur mat á og bætir virkni áhættustýringar, eftirlitsaðferða og stjórnarhátta hjá borgarsjóði, Orkuveitu Reykjavíkur, Faxaflóahöfnum, Félagsbústöðum, Slökkviliði höfuðborgarsvæðisins bs. og Malbikunarstöðinni Höfða. Auk þess sem skrifstofan hefur eftirlit með gæðum innri endurskoðunar innan SORPU bs. og Strætó bs.. Niðurstöður úttekta innri endurskoðunar eru kynntar í endurskoðunarnefnd, borgarráði, fagráðum Reykjavíkurborgar og stjórnum dótturfélaga.

Við leitum að metnaðarfullu og drífandi fólki sem hefur áhuga á að takast á við krefjandi og fjölbreytt verkefni.