Vegagerðin

Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

Vinnustaðurinn

Verkefnastjóri í opinberum innkaupum

Vegagerðin auglýsir eftir öflugum verkefnastjóra fyrir þjónustukaup og rekstur vegakerfis. Verkefnastjórinn vinnur náið með fjármáladeild og rekstrardeild við skipulag og framkvæmd þjónustukaupa og stuðlar að sjálfbærum og vistvænum innkaupaferlum í samræmi við stefnu Vegagerðarinnar.

Starfið fellur undir stoðdeild sem er deild innan mannvirkjasviðs Vegagerðarinnar og starfa þar nú 16 manns. Verkefni deildarinnar eru víðfeðm, þvert á deildir og svið Vegagerðarinnar. Auk þess að bera ábyrgð á þjónustuinnkaupum Vegagerðarinnar hefur stoðdeild m.a. umsjón með gerð leiðbeininga fyrir útboðs- og verklýsingar, umsjón og gerð reglna og handbóka um framkvæmdir og viðhald, verkefnisstjórnun á viðhaldi og styrkingu bundinna slitlaga, umsjón og framkvæmd jarðefna-, jarðfræði- og jarðtæknirannsókna, umsjón með rekstri tækja til gangaöflunar, mælinga og úrvinnslu mælinga á láði og legi. Stoðdeild heldur einnig utan um útboðskerfi Vegagerðarinnar.

Helstu verkefni og ábyrgð

Starf verkefnastjóra á stoðdeild felst í umsjón með útboðum fyrir þjónustukaup fyrir rekstur vegakerfis í samráði við forstöðumann.

Hefur heildaryfirsýn yfir útboð á málaflokknum og tryggir að innkaup og útboð fylgi verkferlum og eru í samræmi við lög og reglur.
Framkvæmir þarfagreiningu og hefur umsjón með innleiðingu nýrra innkaupaleiða, s.s. rammasamninga og annarra lausna, í stað hefðbundinna útboða.
Veitir ráðgjöf og stuðning varðandi þjónustukaup fyrir rekstur vegakerfisins.

Menntunar- og hæfniskröfur

Háskólamenntun sem nýtist í starfi, meistarapróf æskilegt
Marktæk reynsla og haldbær þekking á opinberum innkaupum og útboðsgerð skilyrði
Reynsla af umbóta- og gæðamálum æskileg
Skipulagshæfni, frumkvæði og faglegur metnaður
Reynsla af teymisvinnu og góð hæfni til að vinna sjálfstætt skilyrði
Framúrskarandi hæfni í mannlegum samskiptum
Góð íslensku- og enskukunnátta í rituðu og töluðu máli
Hæfni til að fylgja málum eftir og til að finna bestu lausnir hverju sinni.
Góð öryggisvitund

Áhugasamir einstaklingar, án tillits til kyns, eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir, auk afrita af prófskírteinum. Öllum umsóknum verður svarað þegar ákvörðun um ráðningu hefur verið tekin.

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

Starfshlutfall er 100%

Umsóknarfrestur er til og með 14.10.2024