Verkefnastjóri hjá byggingafulltrúa
Reykjanesbær leitar að verkefnastjóra hjá byggingarfulltrúa á umhverfis- og framkvæmdasviði. Byggingarfulltrúi annast meðal annars umsóknir um byggingarleyfi og afgreiðslu þeirra. Umsýsla þess fer fram í samræmi við mannvirkjalög og byggingarreglugerð, ásamt öðrum tilheyrandi lögum, reglugerðum og skilmálum sem varðar notkun lóða og byggingarframkvæmd á þeim.
Um er að ræða 100% starf. Launakjör eru í samræmi við samning Sambands íslenskra sveitarfélaga og viðeigandi stéttarfélags.
Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.
• Yfirferð byggingarleyfisumsókna og hönnunargagna
• Opinbert byggingareftirlit, stöðuskoðanir, öryggis- og lokaúttektir
• Útgáfa vottorða, umsagnir vegna rekstrar og veitingaleyfa
• Halda utan um stafræna mannvirkjaskrá
• Aðkoma að skipulagsmálum, auk aðstoðar við kortagrunna og fleiri tengd verkefni
• Önnur tilfallandi störf hjá embætti byggingarfulltrúa
• Háskólamenntun í arkitektúr, byggingarverkfræði, byggingartæknifræði eða byggingarfræði er skilyrði
• Reynsla á sviði hönnunar- og mannvirkjagerðar er skilyrði
• Löggilding sem hönnuður skv. 25. gr. mannvirkjalaga er skilyrði
• Þekking á lagaumgjörð mannvirkjamála er kostur
• Reynsla af opinberri stjórnsýslu er kostur
• Þekking á verkefnastjórnun er æskileg
• Góð tölvukunnátta er æskileg
• Góðir samskiptahæfileikar og hæfni til að tjá sig í rituðu og töluðu máli nauðsynleg
• Frumkvæði í starfi og faglegur metnaður
• Góð íslenskukunnátta er skilyrði
• Bókasafnskort
• Gjaldfrjáls aðgangur að menningarhúsum
• Gjaldfrjáls aðgangur í sund
• Gjaldfrjáls aðgangur í strætó
Íslenska
