Verkefnastjóri "Gefum íslensku séns"

Fræðslumiðstöð Vestfjarða leitar að verkefnastjóra í 50% starf í tengslum við Gefum íslensku séns. Starfið er laust frá og með 1. febrúar 2025. Stafið felur í sér umsjón með átakinu og skipulagningu viðburða. Vegamikill þáttur er hugmyndavinna og þróun verkefnisins, ásamt því að hafa umsjón með viðburðum og gerð efnis í ýmsu formi sem líta mun dagsins ljós í nafni átaksins. Þetta er áhugavert starf fyrir þá sem vilja vinna með íslenskt tungumál, inngildingu, samfélagslega ábyrgð og félagslega virkni í fjölmenningarlegu samfélagi. Verkefnastjóri þarf að geta unnið sjálfstætt og í hóp, vera framsækinn og búa yfir frumkvæði. Nánari upplýsingar má fá í gegnum saedis@frmst.is eða í síma 456-5025.

Menntunar- og hæfniskröfur

• Háskólamenntun og starfsreynsla sem nýtist í starfi
• Góð kunnátta í íslensku í ræðu og riti. Önnur tungumálakunnátta er kostur
• Mikil hæfni í mannlegum samskiptum
• Skipulagshæfni
• Innsæi og metnaður í starfi
• Frumkvæði og sveigjanleiki í starfi

Verkefnastjóri ætti að geta hafið störf 1. febrúar 2025. Starfið er til eins árs eða 31. janúar 2026. Upplýsingar veitir Sædís María Jónatansdóttir, forstöðumaður, í síma 450 5025 eða saedis@frmst.is

Umsóknir (kynningarbréf og ferilskrá), sendist á Fræðslumiðstöð Vestfjarða eða í tölvupósti á saedis@frmst.is. Fræðslumiðstöð áskilur sér rétt til að hafna öllum umsóknum.

Umsóknarfrestur er til og með 15.11.2024.