Menningarfélag Akureyrar er sjálfseignarstofnun sem samanstendur af þremur menningarstofnunum á Akureyri; Leikfélagi Akureyrar, Sinfóníuhljómsveit Norðurlands og Menningarfélaginu Hofi. Markmiðið hennar er að skapa öflugan vettvang fyrir þrjár af stærstu menningarstofnunum á Norðurlandi til að starfa saman, sækja fram í menningarlífi á Akureyri og efla enn frekar þá starfsemi sem þessir aðilar hafa staðið að. Í allri vinnu er áhersla lögð á aukna og bætta starfsemi, listrænt sjálfstæði, minni yfirbyggingu og hagræðingu í rekstri. Markmið Menningarfélags Akureyrar er að efla atvinnustarfsemi í leiklist og sinfónískri tónlist á Akureyri. Bjóða fyrirmyndarvettvang fyrir tónlistar- og sviðslistaviðburði, fundi og ráðstefnur. Stuðla að öruggum rekstri og góðri meðferð og nýtingu opinberra fjármuna. Stuðla að auknu framboði og fjölbreytileika í menningar- og listalífi á Norðurlandi og tryggja samstarf og samræmingu viðburða milli stofnaðilanna þriggja