Laus störf Hæfnileit Vinnustaðir Námskeið

Samtök sveitarfélaga og atvinnuþróunar á Norðurlandi eystra

Markmið með starfsemi SSNE er að efla Norðurland eystra sem eftirsótt til búsetu og atvinnu. SSNE skal vera sterkur bakhjarl aðildarsveitarfélaga í sameiginlegum málum þeirra og stuðla að góðu mannlífi, lifandi menningarlífi og öflugri atvinnustarfsemi á starfssvæðinu. Hlutverk SSNE er að þjónusta sveitarstjórnir og atvinnulíf á starfssvæði landshlutasamtakanna til að ná framangreindum markmiðum. Starfssvæði samtakanna afmarkast af sveitarfélagamörkum allar sveitarfélaga á Norðurlandi eystra, frá Siglufirði í vestri að Bakkafirði í austri, að Tjörneshrepp undanskildum. Heimili og varnarþing samtakanna er á skrifstofu SSNE á Húsavík. SSNE er landshlutasamtök 10 sveitarfélaga með um 33.000 íbúa.

Vinnustaðurinn

Verkefnastjóri farsældar á Norðurlandi eystra

Leitað er að öflugum verkefnastjóra farsældar á Norðurlandi eystra. Verkefnið er samstarf SSNE og mennta- og barnamálaráðuneytisins. Um fullt starf er að ræða og er ráðið tímabundið til tveggja ára.

Helstu verkefni og ábyrgð

Virkt samráð við sveitarfélögin á Norðurlandi eystra og alla þjónustuveitendur farsældar á svæðinu með það fyrir augum að koma á svæðisbundnu farsældarráði.
Móta verkferla og verkáætlun fyrir verkefnið með það að markmiði að fyrir lok tímabilsins hafi svæðisbundið farsældarráð tekið til starfa og unnin hafi verið fyrsta áætlun um svæðisbundna forgangsröðun aðgerða um farsæld barna til fjögurra ára.
Halda utan um störf svæðisbundins farsældarráðs, boða fundi þess og bera ábyrgð á frágangi og skilum á afurð þess til allra sveitarstjórna í landshlutanum.
Hafa yfirsýn yfir þjónustu er varðar börn í hverju sveitarfélagi með kortlagningu þeirrar starfsemi er þau varðar.
Vera tengiliður SSNE við samráðsvettvanginn Öruggara Norðurland eystra.
Taka þátt í mótun tengslanets farsældarmála milli landshlutasamtaka sveitarfélaga.
Vinna önnur þau verkefni sem framkvæmdastjóri SSNE felur viðkomandi og falla að tilgangi verkefnisins.

Menntunar- og hæfniskröfur

Háskólamenntun sem nýtist í starfi í samræmi við verkefnalýsingu.
Viðbótarnám í greinum tengdum farsældarmálum kostur.
Starfsreynsla á sviði félags-, skóla- og/eða barnaþjónustu.
Reynsla af verkefnastjórnun æskileg.
Lausnamiðuð hugsun og sjálfstæð vinnubrögð.
Hæfni í mannlegum samskiptum.

Starfsstöð getur verið á starfsstöðvum SSNE í landshlutanum eftir samkomulagi. Nánari upplýsingar veitir Albertína Friðbjörg Elíasdóttir, framkvæmdastjóri SSNE, [email protected].

Auglýsing birt15. september 2024

Umsóknarfrestur29. september 2024

Tungumálahæfni

Engar sérstakar tungumálakröfur

Staðsetning

Hafnarstétt 3, 640 Húsavík

Starfstegund

Starfsgreinar

Starfsmerkingar

Sambærileg störf (11)