Verkefnastjóri á verkefnastofu

Verkefnastofa Landspítala leitar að öflugum og framsýnum verkefnastjóra til að leiða fjölbreytt verkefni með áherslu á tæknileg- og stjórnsýslutengd verkefni. Verkefnastofa er í fararbroddi í umbótarstarfi spítalans og stýrir m.a. innleiðingu á stafrænum lausnum, umbótaverkefnum, vinnustofum o.fl. Teymið vinnur þvert á allan spítalann og styður stjórnendur og annað starfsfólk m.a. við að bæta þjónustu við sjúklinga, bæta vinnuumhverfi og draga úr sóun. Ef þú hefur áhuga á að hafa áhrif og stýra verkefnum sem móta heilbrigðisþjónustu framtíðar á Íslandi, þá gæti þetta verið starf fyrir þig. Starfið er laust skv. samkomulagi og ráðið er í starfið til 1 árs.

Við leitum að einstaklingi

• með staðfesta reynslu í faglegri verkefnastjórnun

• með framúrskarandi leiðtogahæfileika og getu til að veita þverfaglegum teymum innblástur

• með framúrskarandi samskiptahæfileika og getu til að vinna þvert á flóknar skipulagsheildir

• með vaxandi hugarfar og metnað fyrir sí- og endurmenntun sem styður við uppbyggingu einstaklings sem og verkefnastofu sem heild

• sem sýnir frumkvæði í verki, drifkraft og lausnamiðaða hugsun

• með mikla greiningarhæfni og tæknilæsi