Verkefnastjóri á skrifstofu skipulagsfulltrúa

Umhverfis- og skipulagssvið auglýsir eftir verkefnastjóra til starfa hjá skipulagsfulltrúa Reykjavíkur. Um er að ræða fjölbreytt starf í skapandi og faglegu starfsumhverfi þar sem teymisvinna, nýsköpun og framsækni er höfð að leiðarljósi. Á skrifstofunni starfar kraftmikið og hugmyndaríkt teymi með brennandi áhuga á margþættri skipulagsvinnu og borgarþróun. Verkefnin eru fjölbreytt og tengjast hverfisskipulagi, deiliskipulagi, þróun byggðar, loftslagsmálum, landslagi og lýðheilsu. Við leitum að einstaklingi með áhuga á margþættri skipulagsvinnu og borgarþróun.