Háskólinn á Bifröst

Háskólinn á Bifröst hefur í meira en hálfa öld menntað fólk til áhrifa og ábyrgðar í íslensku samfélagi. Háskólinn leggur áherslu á samþættingu fræða og framkvæmdar og hefur verið leiðandi hér á landi í uppbyggingu og þróun stafrænnnar menntunar á háskólastigi.

Vinnustaðurinn

Verkefnastjóri

Háskólinn á Bifröst auglýsir stöðu verkefnastjóra til að vinna að undirbúningi að stofnun Rannsóknarseturs skapandi greina.

Hinn 10. ágúst síðastliðinn gerðu mennta- og menningarmálaráðuneytið, atvinnuvega- og nýsköpunarráðuneytið, samgöngu- og sveitarstjórnarráðuneytið, forsætisráðuneytið og Háskólinn á Bifröst með sér samning um undirbúning að stofnun Rannsóknaseturs skapandi greina (RSG) við Háskólann á Bifröst í samstarfi við Félagsvísindastofnun Háskóla Íslands, Listaháskóla Íslands og Samtök skapandi greina. Hér er auglýst eftir verkefnisstjóra til að starfa að og halda utan um undirbúninginn í samstarfi og samráði við verkefnisstjórn.

Ráðningin er tímabundin í 12 mánuði, frá og með 1. október 2021. Starfshlutfall er 70% eða samkvæmt frekara samkomulagi.

Helstu verkefni og ábyrgð

Þarfagreining og kortlagning á skapandi greinum á Íslandi.

Umsjón með undirbúningsvinnu fyrir formlega stofnun Rannsóknarseturs skapandi greina.

Samskipti við Hagstofu Íslands og aðra hagaðila um hagtölur og gögn.

Gerð kynningarefnis, miðlun og samskipti.

Almennt utanumhald um starfsemi stjórnar.

Menntunar- og hæfniskröfur

Menntun og reynsla sem nýtist í starfi, svo sem menningarstjórnun, menningarhagfræði eða verkefnastjórnun.

Hæfni til að tjá sig í ræðu og riti á íslensku og ensku.

Hæfni til að greina gögn og setja þau fram skýran hátt.

Frumkvæði, skipulagshæfni, sjálfstæði og sveigjanleiki.

Þekking og yfirsýn á umhverfi lista og skapandi greina er kostur.

Góð hæfni í mannlegum samskiptum.

Með umsókn fylgi náms- og starfsferilsskrá og afrit af prófskírteinum ásamt kynningarbréfi.

Nánari upplýsingar: Anna Hildur Hildibrandsdóttir, fagstjóri skapandi greina (annah@bifrost.is) eða Margrét Jónsdóttir Njarðvík, rektor (rektor@bifrost.is) eða í síma 433 3000. Umsóknarfrestur er til og með 3. september nk. Starfsstöðvar háskólans eru á Bifröst og í Reykjavík.

Háskólinn á Bifröst vinnur samkvæmt jafnréttisáætlun háskólans og hvetur alla óháð kyni til að sækja um starfið.

Auglýsing stofnuð23. ágúst 2021

Umsóknarfrestur7. september 2021

Starfstegund

Staðsetning

Bifröst skóli 134783, 311 Borgarnes

Hæfni