KLAKI ehf. sérhæfir sig í hönnun og þróun á sjálfvirkum vélbúnaði og róbótum fyrir sjávarútveg, matvælaiðnað og endurvinnslu. Framsækið fyrirtæki sem sérhæfir sig í framleiðslu á tækjum, róbótalausnum og búnaði sem auka sjálfvirkni ásamt búnaði til framleiðslu, bæði til sjós og lands. Gæði framleiðslunnar og góð verð eru þættir sem ávallt eru hafðir í fyrirrúmi. Vöruframboð Klaka nær allt frá smíði vinnslubúnaðar um borð í skip að róbótum í landi. Framleiðsluvörur eru færibönd af ýmsu tagi, þar á meðal útdraganleg (telescope), lóðréttar fisklyftur, aðgerðarkerfi, lyftibúnaður, lúgulyftur, pönnuvagnar og fiskdælur ásamt stýringa. Stór hluti framleiðslunnar er framleiðsla búnaðar fyrir frystingu, þ.e. úrsláttarvélar, blokkarpressur og frystipönnur og rammar. Klaki ehf. býður heildarlausnir vegna aðgerðarkerfa í stærri fiskiskip, þ.e. hönnun (layout), smíði og uppsetningu. Fyrirtækið var stofnsett árið 1972. Síðan þá hefur fyrirtækið verið í stöðugri þróun með því að auka vöruúrval sitt og þjónustu.