Golfklúbburinn Flúðir
Golfklúbburinn Flúðir
Golfklúbburinn Flúðir óskar eftir rekstraraðila fyrir veitingaþjónustu í Kaffi-Sel sem er við 18 holu golfvöllinn á Flúðum.
Golfklúbburinn Flúðir

Veitingaþjónusta á Selsvelli (Golfklúbburinn Flúðir)

Golfklúbburinn Flúðir auglýsir eftir nýjum veitingaaðila í húsnæði golfklúbbsins við Selsvöll, rétt utan við Flúðir í uppsveitum Árnessýslu.

Rekstur veitingaþjónustu er laus frá og með næstu áramótum, en aðaláherslan frá sjónarhóli golfklúbbsins er lögð á tímabilið 1. maí – 30. sept.

Selsvöllur er staðsettur á mjög fjölsóttu ferðamannasvæði á Suðurlandi og því felast margvísleg tækifæri í rekstri veitinga á þessum stað.

Mikil uppbygging í mannvirkjum og breyttu skipulagi er fyrirhuguð á svæðinu á næstu 2 til 4 árum. Undanfarin ár hafa átt sér stað miklar umbætur á golfvellinum sem færa Selsvöll í hóp bestu golfvalla landsins. Enn frekari umbætur eru fyrirhugaðar á næstu árum. Völlurinn er skógarvöllur, enda skógrækt verið mikilvægur hluti uppbyggingar vallarins í áratugi.

Kaffi-Sel var með veitingarekstur í húsinu í um 20 ár þar sem m.a. voru landsfrægar pizzur í boði þar sem áhersla var lögð á gott hráefni úr héraði, súrdeig lagað á hverjum degi og sósan gerð skv. uppskrift, en ekki keypt tilbúin.

Það er vilji GF að á boðstólum verði fjölbreyttur og aðgengurlegur matseðill sem hentar bæði kylfingum, íbúum á svæðinu og ferðafólki.

Hafa þarf í huga að mjög fjölbreyttur markhópur hefur notið veitinga í golfskálanum í gegnum tíðina, erlendir ferðamenn, fjölskyldufólk, klúbbmeðlimir að loknum hring, veislugestir við ýmis tækifæri osfrv.

Við viljum gjarnan að boðið sé upp á fjölbreytta valmöguleika á matseðli, þar með talda heilsusamlega kosti.

Í umsókn óskar GF eftir eftirtöldum upplýsingum:

  1. Hugmyndir að réttum á matseðli og verðhugmyndir sömuleiðis.
  2. Upplýsingar um reynslu umsóknaraðila að rekstri sem talist getur sambærilegur þeim sem GF er að óska eftir.
  3. Tillögur að afgreiðslutíma, virka daga sem og um helgar (lau-sun).
  4. Aðrar hugmyndir sem snúa að sölu veitinga, t.d. „happy hour“ eða annað.
  5. Upplýsingar um aðila sem veitt geta meðmæli.

Umsóknarfrestur er til og með 15. nóvember 2023.

Með kveðju,

Árni Tómasson, formaður GF

Helstu verkefni og ábyrgð
Sala veitinga
Menntunar- og hæfniskröfur
Æskilegt er að viðkomandi hafi reynslu af sambærilegum rekstri og menntun á sviði matreiðslu
Auglýsing stofnuð17. september 2023
Umsóknarfrestur29. október 2023
Starfstegund
Staðsetning
Efra-Sel 166739, 845 Flúðir
Starfsgreinar
Starfsmerkingar
Má bjóða þér smákökur? Alfreð notar vafrakökur til að greina umferð um vefinn og bæta upplifun þína. Sjá meira.