Vaktstjóri afgreiðslu

Vaktstjóri ber ábyrgð á daglegri þjónustu og tryggir að þjónusta við viðskiptavini, hreinlæti og starfsumhverfi séu ávallt til fyrirmyndar. Starfið felur í sér umsjón með afgreiðslu, daglegum þrifum á ákveðnum svæðum í samvinnu við ræstiteymi Sporthússins ásamt leiðsögn starfsfólks á vakt. Unnið er 7-8 tíma á morgun-milli- og kvöldvöktum til skiptis og annan hvern laugardag 8-14. Flestar vaktir eru frá kl. 05:15-13:15- 10:00-18:00 og 16:00-23:00 mán.-fös. og 07:45-14:00 annan hvern laugardag. Stundvísi er mjög mikilvæg

Helstu verkefni og ábyrgð

Ber ábyrgð á daglegri þjónustu sem Sporthúsið veitir á sinni vakt, skipuleggur verkefni og forgangsraðar í samráði við rekstrarstjóra/framkvæmdastjóra.
Leiðbeinir, styður og fylgir eftir starfsfólki á vakt.
Tryggir að verklagsreglum, öryggisreglum og þjónustustöðlum sé fylgt.
Tekur á móti og þjálfar nýtt starfsfólk.
Heldur utan um samskipti við rekstrarstjóra og skilar upplýsingum um frávik, bilanir eða önnur atriði sem krefjast eftirfylgni.
Veitir framúrskarandi þjónustu og tekur vel á móti viðskiptavinum.
Leiðbeinir viðskiptavinum um þjónustu, reglur og aðstöðu.
Tekur á móti ábendingum og kvörtunum á faglegan og lausnamiðaðan hátt.
Tekur virkan þátt í daglegum þrifum stöðvarinnar.
Fylgist með að öll svæði séu hrein, snyrtileg og tilbúin fyrir viðskiptavini.
Fylgist með ástandi tækja og húsnæðis.
Tryggir að öryggisbúnaður og neyðarútgangar séu ávallt aðgengilegir og í lagi.
Opnar og lokar stöðinni samkvæmt verklagsreglum þegar við á.