Vaktstjóri á Akureyri

Við leitum að kraftmiklum einstaklingi með góða samskiptahæfni í starf vaktstjóra í fullt starf eða hlutastarf í verslun okkar á Akureyri. Athugið að viðkomandi mun hefja störf sem almennur starfsmaður en fara strax í vaktstjóraþjálfun samhliða starfinu.

Viðkomandi þarf að hafa mikla þjónustulund og þarf að geta skapað og stýrt góðri liðsheild. Við leggjum áherslu á að ráða inn metnaðarfullan einstakling sem sýnir frumkvæði í starfi og hefur áhuga á að vinna sig hratt upp í skemmtilegu og hröðu starfsumhverfi.

Helstu verkefni og ábyrgð:

• Ábyrgð á rekstri verslunar á sinni vakt
• Ábyrgð á starfsmannamálum á sinni vakt
• Afgreiðsla, pizzabakstur og almenn störf í verslun, meðal annars þrif
• Talning og skýrslugerð
• Leysa úr óvæntum uppákomum í daglegum rekstri verslana
• Ábyrgð á að ánægja viðskiptavina sé höfð að leiðarljósi við afgreiðslu þeirra
• Vinna markvisst að því að skapa jákvæðan starfsanda og vera fyrirmynd starfsfólks

Umsóknarfrestur er til og með 9. febrúar 2025 en unnið er úr umsóknum jafnóðum sem þær berast.