Urriðaholtsskóli auglýsir eftir starfsfólki í Frístund
Frístundastarf fer fram frá kl. 13:30 og stendur til kl. 16:30. Í boði eru tímavinnustörf og hlutastörf með sveigjanlegum vinnutíma eftir hádegi. Hentar vel sem aukavinna með námi. Í frístund dvelja börn frá 1.-4. bekk eftir að skóla lýkur við leik og ýmis fjölbreytt verkefni.
Leitað er eftir einstaklingum sem eru tilbúnir að starfa að sveigjanlegu tómstundastarfi í teymisvinnu samkvæmt stefnu Urriðaholtsskóla og kom að uppbyggingu skólasamfélagsins. Gildi skólans eru; virðing, ábyrgð, umhverfi. Í skólanum verða yfir 600 nemendur frá leikskóla og upp grunnskólann skólaárið 2025-2026. Við skólann starfa vel yfir 150 einstaklingar sem hafa það að markmiði að mæta börnum eftir þörfum þeirra í leik og starfi og koma til móts við áhuga þeirra og þarfir. Vel er búið að börnum og fullorðnum og aðstaða góð. Nánari upplýsingar um skólann má finna á heimasíðunni www.urridaholtsskoli.is
- Þátttaka í skipulagningu, undirbúningi og framkvæmd á fjölbreyttu og faglegu frístundastarfi
- Stuðlar að góðum aga og jákvæðum samskiptum út frá væntingum og gildum Urriðaholtsskóla
- Stuðlar að velferð nemenda í samstarfi við annað starfsfólk skólans og aðstandendur
- Leitast við að virkja alla nemendur óháð getu og þroska í fjölbreytt verkefni og tekur fullan þátt í þeim verkefnum og viðburðum sem eru skipulögð
- Sinnir frágangi á starfssvæði frístundar í lok dags
- Önnur verkefni skv. starfslýsingu og sem yfirmaður felur viðkomandi
- Stundvísi, frumkvæði og sjálfstæði í vinnubrögðum
- Ríkir samstarfs- og samskiptahæfileikar
- Íslenskukunnátta á stigi B2 samkvæmt samevrópskum tungumálaramma
- Dugnaður, jákvæðni og ábyrgðarkennd
- Uppeldismenntun sem nýtist í starfinu er kostur
- Reynsla af starfi með börnum og/eða unglingum er kostur
- Áhugi á að starfa í skapandi og metnaðarfullu umhverfi
Íslenska
