Uppsetninga - og þjónustusérfræðingur hurða

Héðinshurðir ehf leitar að öflugum starfsmanni til framtíðarstarfa

Vegna aukinna verkefna leitum við að ábyrgum og þjónustulunduðum einstaklingi til starfa við uppsetningu og viðhald á bílskúrs- og iðnaðarhurðum. Um er að ræða fjölbreytt starf sem fer að mestu fram á verkstað hjá viðskiptavinum. Þjálfun er veitt af reynslumiklu teymi og góður stuðningur í boði við innleiðingu í starfið.

Hjá Héðinshurðum leggjum við áherslu á traust, fagmennsku og jákvæð samskipti. Við leitum að einstaklingi með góða verklega færni og áhuga á að læra og þróast í starfi.

Við bjóðum upp á sveigjanleika í skipulagi vinnudagsins eftir atvikum, en stundum getur verið nauðsynlegt að ljúka verkefnum umfram hefðbundinn vinnutíma þegar aðstæður krefjast þess.