Laus störf Hæfnileit Vinnustaðir Námskeið

Akraneskaupstaður

Akranes er stærsta sveitarfélag Vesturlands með rúmlega 8.500 íbúa. Hjá Akraneskaupstað starfa tæplega 800 manns í 20 stofnunum. Bærinn rekur tvo grunnskóla, fjóra leikskóla, frístundastörf, búsetukjarna, miðlæga skrifstofu, tónlistarskóla, bókasafn, slökkvilið og byggðasafn svo fátt eitt sé nefnt. Akranes er framsækið sveitarfélag sem hefur jákvæðni, metnað og víðsýni að leiðarljósi í þjónustu og uppbyggingu sveitarfélagsins. Akranes er einstaklega fjölskylduvænt bæjarfélag þar sem gott er að búa og ala upp börn. Bærinn er bæði heilsueflandi og barnvænt samfélag og framfylgir stefnu um slíkt. Það sem einkennir Akranes er flatlendi þess og er því mjög þægilegt að ganga og hjóla um bæinn. Auk þess eru möguleikar til útivistar fjölbreyttir og stutt í ósnortna náttúru.

Vinnustaðurinn

Upplýsingafulltrúi hjá Akraneskaupstað

Akraneskaupstaður leitar að framsýnum og lausnamiðuðum upplýsingafulltrúa sem hefur brennandi áhuga á upplýsingamiðlun og notkun samfélagsmiðla til að efla tengsl við íbúa og samfélagið. Upplýsingafulltrúi er í þjónustuteymi á stjórnsýslu- og fjármálasviði og tekur þátt í þróun á stafrænni stjórnsýslu og upplýsingamiðlun með það að markmiði að straumlínulaga vinnubrögð og efla þjónustu. Um er að ræða fjölbreytt og krefjandi starf sem krefst frumkvæðis, fagmennsku og hæfni í mannlegum samskiptum.

Helstu verkefni og ábyrgð

Ritun fréttatilkynninga, efnisgerð á vef og samfélagsmiðla
Þátttaka í stafrænni vegferð sveitarfélagsins
Umsjón með samfélagsmiðlum, markaðs- og kynningarmálum
Gerð auglýsinga, kynningar- og markaðsefnis
Stuðningur við starfsfólk og stofnanir bæjarins og þróun á innri vef
Efling á ímynd bæjarins og gagnsæi í samskiptum við íbúa og fyrirtæki
Aðstoð við framkvæmd viðburða og kynningar
Samskipti við fjölmiðla og svörun fyrirspurna frá almenningi

Menntunar- og hæfniskröfur

Háskólamenntun sem nýtist í starfi.
Frumleiki og hæfni í efnissköpun, bæði á texta- og myndefnisformi
Reynsla af miðlun á samfélagsmiðlum og stafrænum samskiptum
Þekking og reynsla af vefumsjónarkerfum og forritum, t.d. Canva
Mjög góð kunnátta í Office 365
Þekking á Sharepoint æskileg
Reynsla af verkefnastjórnun og þjónustu.
Góð samskipta- og skipulagshæfni, sjálfstæði og jákvæðni í starfi
Frumkvæði og metnaður til að ná árangri.

Umsókn skal fylgja ferilskrá og kynningarbréf um hæfi viðkomandi til að gegna starfinu.

Áhugasamir einstaklingar, án tillits til kyns eru hvattir til að sækja um. Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Nánari upplýsingar um starfið veitir Steinar Adolfsson, sviðsstjóri og Harpa Hallsdóttir, mannauðsstjóri.

Auglýsing birt23. apríl 2025

Umsóknarfrestur11. maí 2025

Tungumálahæfni