Laus störf Hæfnileit Vinnustaðir Námskeið

Menningar- og viðskiptaráðuneytið

Hlutverk menningar- og viðskiptaráðuneytis er að skapa menningarstarfi, viðskiptalífi og ferðaþjónustu umhverfi sem stuðlar að velsæld og verðmætasköpun fyrir samfélagið allt. Helstu málaflokkar sem ráðuneytið fer með eru menningarmál, ferðaþjónusta, viðskiptamál, neytenda- og samkeppnismál, fjölmiðlar, skapandi greinar og ríkisaðstoð. Í ráðuneytinu er fólk með fjölbreyttan bakgrunn sem starfar samhent að því að skapa framúrskarandi vinnustað og öflugt ráðuneyti sem veitir afbragðsþjónustu.

Vinnustaðurinn

Upplýsingafulltrúi

Við leitum að drífandi einstaklingi sem þrífst á spennandi verkefnum, sýnir frumkvæði og sjálfstæði í vinnubrögðum auk þess að eiga auðvelt með að vinna í teymi. Við viljum fá jákvæðan einstakling sem býr yfir skipulagshæfileikum, getur fylgt verkefnum vel eftir, hefur mikla samskiptafærni, þreytist ekki á að leita lausna og hefur áhuga á því að eflast í starfi.

Um er að ræða áhugavert og fjölbreytt starf í krefjandi starfsumhverfi þar sem reynir á öguð vinnubrögð, ábyrgð og sjálfstæði. Upplýsingafulltrúi þarf að búa yfir framúrskarandi samskiptahæfileikum, reynslu og færni til hvers konar boðmiðlunar.

Upplýsingafulltrúi vinnur að kynningu á starfsemi ráðuneytisins og verkefnum þess og er ráðherra, ráðuneytisstjóra og öðru starfsfólki til ráðgjafar um samskipti við fjölmiðla. Starfið felst í að fylgjast með fréttaflutningi af starfsemi ráðuneytisins og ráðherra og veita fjölmiðlum og almenningi upplýsingar. Upplýsingafulltrúi tekur einnig þátt í upplýsingamiðlun innan ráðuneytisins. Upplýsingafulltrúi tilheyrir skrifstofu fjármála og gæðamála.

Menntunar- og hæfniskröfur

Háskólamenntun sem nýtist í starfi.

Framúrskarandi samskiptahæfni, reynsla og færni af hverskonar boðmiðlun.

Starfsreynsla þar sem reynt hefur á textaskrif, ritstjórn og miðlun efnis.

Þekking og reynsla af uppsetningu efnis á myndrænan hátt.

Reynsla af notkun samfélagsmiðla á markvissan hátt.

Reynsla af notkun vefumsjónarkerfa.

Reynsla af verkefnastjórnun kostur.

Góð kunnátta í Office 365 og mjög góð þekking á Sharepoint.

Þekking og reynsla af forritum eins og Infogram, Canva eða öðru sambærilegu er kostur.

Geta til að tileinka sér tækninýjungar sem starfsumhverfi og verkefni kalla á.

Þekking og reynsla á sviði opinberrar stjórnsýslu er æskileg.

Metnaður og vilji til að ná árangri.

Skipulagsfærni, frumkvæði, sjálfstæði í vinnubrögðum og geta til að vinna undir álagi.

Gott vald á íslensku og ensku og færni til að tjá sig í ræðu og riti.

Helstu verkefni og ábyrgð

Samskipti við innlenda og erlenda fjölmiðla.

Gerð fréttatilkynninga og kynning á verkefnum ráðuneytisins.

Ritstjórn og umsjón með vef ráðuneytisins, innri vef og samfélagsmiðlum.

Ráðgjöf og aðstoð við starfsfólk vegna kynningar-, fræðslu- og útgáfumála.

Aðstoð við framkvæmd viðburða á vegum ráðuneytisins.

Umsjón með ritun og útgáfu ársrits.

Þátttaka í öðrum sérfræðiverkefnum eftir atvikum.

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Umsóknum skal fylgja starfsferilsskrá ásamt kynningarbréfi á íslensku þar sem tilgreind er ástæða umsóknar og hæfni viðkomandi til að gegna starfinu rökstudd. Mat á hæfni umsækjenda byggist á innsendum gögnum, úrlausn verkefna og viðtölum við umsækjendur. Ráðuneytið hvetur fólk óháð kyni til að sækja um.

Öllum umsóknum verður svarað þegar ákvörðun um ráðningu liggur fyrir. Umsóknir geta gilt í sex mánuði frá því að umsóknarfrestur rennur út, sbr. reglur um auglýsingar lausra starfa nr. 1000/2019.

Æskilegt að viðkomandi geti hafið störf sem fyrst.

Umsóknum skal skilað inn í gegnum Starfatorg.

Starfshlutfall er 100%

Auglýsing birt24. nóvember 2022

Umsóknarfrestur12. desember 2022

Tungumálahæfni

Engar sérstakar tungumálakröfur

Staðsetning

Sölvhólsgata 7, 101 Reykjavík

Starfstegund

Hæfni