Eignaumsjón hf

Eignaumsjón hf. er umsvifamesta fyrirtæki landsins í þjónustu við húsfélög og rekstrarfélög fasteigna og brautryðjandi í þessari þjónustu hér á landi. Fyrirtækið var stofnað haustið 2000 og býr yfir víðtækri reynslu og þekkingu í rekstri fjöleignarhúsa, bæði atvinnu- og íbúðarhúsnæðis. Gildi Eignaumsjónar eru framsækni, öryggi og fagmennska og markmið okkar er að veita framúrskarandi þjónustu þar sem áhersla er lögð á hlutlausa nálgun, öryggi, gæðamál og skýra verkferla. Lögð er áhersla á vönduð vinnubrögð og góðan starfsanda. Hjá okkur starfa nú um 50 einstaklingar, öflugur hópur fólks með fjölbreyttan bakgrunn og menntun. Við leggjum mikið upp úr teymavinnu og góðum anda á vinnustaðnum, jákvæðum samskiptum og umhverfi sem öllum líði vel í. Vinnan er bæði krefjandi og skemmtileg og liðsheildin góð, sem skilar sér í árangri og líflegu vinnuumhverfi þar sem áhersla er lögð á samvinnu og fagmennsku. Eignaumsjón leggur áherslu á að skapa starfsfólki tækifæri til að þróast í starfi og takast á við krefjandi verkefni sem efla það og styrkja. Við leggjum okkur fram við að allir njóti jafnra tækifæra á vinnustaðnum og metum allt starfsfólk að verðleikum.

Vinnustaðurinn

Umsjónarmaður fasteigna

Eignaumsjón leitar að umsjónarmanni fasteignar fyrir rekstrarfélag á höfuðborgarsvæðinu.

Óskað er eftir röskum og laghentum aðila í stóra og vandaða skrifstofubyggingu.

Umsjónarmaður mun sinna fjölbreyttum verkefnum við umsjón og rekstur hússins. Viðkomandi þarf að hafa áhuga á velferð þeirra sem vinna í byggingunni og vera tilbúinn til að taka þátt í þróun starfseminnar með stjórn, eiganda og leigutökum hússins.

Um er að ræða byggingu sem er hátt í 20.000 fm á mörgum hæðum auk bílakjallara og lóðar.

Um fullt starf er að ræða.

Umsjónarmaður er eini starfsmaður félagsins en viðkomandi félag er í þjónustu hjá Eignaumsjón og mun viðkomandi vinna náið með starfsfólki félagsins.

Helstu verkefni og ábyrgð

Sjá um að húsnæði, búnaður og lóð sé ávallt aðlaðandi og í fullnægjandi ástandi
Beitir sér fyrir og ber ábyrgð á hagkvæmum rekstri.
Skipuleggur, hefur eftirlit með og ber ábyrgð á samskiptum við verktaka sem þjónusta bygginguna.
Yfirfer og staðfestir reikninga sem félaginu berast og gerir athugasemdir ef við á.
Umsjón með öryggis- og eftirlitsbúnaði hússins og skipuleggur prófanir og æfingar í tengslum við kerfi hússins.
Eftirlit með tæknirýmum og sér til þess að öll kerfi hússins séu í lagi.
Sinnir almennu viðhaldi húsnæðis og lóðar og kallar til þjónustuaðila eftir því sem við á
Umsjón með sorpgeymslu hússins.
Aðstoðar og leiðbeinir leigutökum í húsinu eftir þörfum með þau málefni sem að húsnæðinu snúa.

Menntunar- og hæfniskröfur