Brúarskóli óskar eftir umsjónarkennara í 100% stöðu. Brúarskóli er sérskóli fyrir nemendur í 4. - 10. bekk sem hafa átt erfitt með að fóta sig í almennum skóla. Skólinn er tímabundið úrræði og starfar á fjórum stöðum, í Vesturhlíð, Grafarvogi, Dalbraut og Stuðlum. Í starfinu er lögð áhersla á félagsfærni, samskipti og jákvæða uppbyggingu hvers einstaklings. Meðal annars er unnið út frá áfallamiðaðri nálgun, atferlisstefnu um mótun hegðunar og út frá styrkleikum hvers og eins. Allir nemendur eru með einstaklingsbundin markmið bæði í námi og félagsfærni. Í skólanum er góður starfsandi, teymisvinna og stuðningur við nýtt starfsfólk. Við leitum að hressum og áhugasömum aðila sem er tilbúinn til að sinna skemmtilegu og jafnframt krefjandi starfi.