Hrafnista

Hrafnista er stærsta hjúkrunarheimili landsins og alls eru heimilin átta talsins í fimm sveitarfélögum. Þau eru Hrafnista Laugarási, Hraunvangi, Boðaþingi, Ísafold, Skógabæ, Sléttuvegi, Hlévangi og Nesvöllum. Hjá Hrafnistu starfar öflugur hópur einstaklinga með fjölbreytta menntun, starfsreynslu og áhugamál. Hrafnista leitast við að ráða, efla og halda hæfu starfsfólki. Ef þú hefur áhuga á að bætast í Hrafnistuhópinn skaltu endilega senda inn umsókn, Hlökkum til að heyra frá þér.

Vinnustaðurinn

Umönnun sumar- og framtíðarstörf - Hraunvangur

Ert þú samviskusamur og drífandi einstaklingur í leit að skemmtilegu starftækifæri? Langar þig að starfa við að gera líf annarra innihaldsríkara og hafa raunveruleg áhrif í vinnunni?

Þá erum við mögulega að leita að þér!

Hrafnista Hraunvangi leitar að öflugu starfsfólki í fjölbreytt störf. Laus eru sumar og framtíðarstörf í umönnun og í býtibúri.

Um er að ræða:

80-85% sumarstörf í umönnun í vaktavinnu með möguleika á framhaldsráðningu. Mikilvægt er að viðkomandi geti unnið dagvaktir í bland við aðrar vaktir.

90% sumarstarf í býtibúri. Starfið er að mestu leyti unnið á dagvinnutíma.

90-100% umönnunarstarf í vaktavinnu frá og með mánaðamótum júlí/ágúst. Mikilvægt er að viðkomandi geti unnið dagvaktir í bland við aðrar vaktir.

60-90% umönnunarstarf í dagvinnu frá miðjum ágúst.

Starfsfólk í umönnun sinnir fjölbreyttum verkefnum og er enginn vinnudagur eins. Það starfar náið með íbúum og aðstoðar þá meðal annars við fataskipti, böðun, salernisferðir, matmálstíma, lyfjainntöku og félagslegan stuðning.

Helstu verkefni og ábyrgð

Aðstoða íbúa við allar athafnir daglegs lífs
Þvottur og/eða aðstoð í eldhúskróki deildarinnar

Menntunar- og hæfniskröfur

Góð færni í samskiptum
Sjálfstæði í starfi og stundvísi
Metnaður í starfi og öguð vinnubrögð
Skilyrði er að viðkomandi hafi náð 18 ára aldri

Hrafnista er stærsta hjúkrunarheimili landsins og telur nú 8 heimili og u.þ.b. 1700 starfsmenn. Hrafnista Hraunvangur er stærsta Hrafnistuheimilið og búa þar 199 íbúar og þar er veitt sólarhrings hjúkrunar- og læknisþjónusta.

Hrafnista vinnur eftir hugmyndafræði Hrafnistu. Hugmyndafræðin snýr að því að Hrafnista sé leiðandi í öldrunarþjónustu á Íslandi og vinnur að því að veita öldruðum áhyggjulaust ævikvöld. Til að taka markviss skref í átt að þessari sýn vinnum við stöðugt að því markmiði að veita framúrskarandi þjónustu svo íbúar, aðrir þjónustuþegar og aðstandendur upplifi öryggi, traust og vellíðan - en það teljum við vera hornsteina þess virðis sem við viljum skapa fyrir okkar viðskiptavini.

Ef þú vilt vinna á fjölskylduvænum vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Ath. að þegar er um sumarafleysingu að ræða er ekki hægt að verða við öllum óskum um sumarfrí.

Auglýsing stofnuð7. maí 2024

Umsóknarfrestur19. maí 2024

Tungumálakunnátta