Traustur sérfræðingur í stjórnstöð
Ef þú heldur rónni undir álagi þá gæti þetta verið rétta starfið fyrir þig. Við leitum að drífandi manneskju með haldbæra þekkingu á rekstri dreifikerfa og framúrskarandi samskiptafærni í stjórnstöðvarteymið okkar. Tengdu þig við okkur og taktu þátt í að byggja upp trausta undirstöðu þriðju orkuskiptanna.
Stjórnstöð RARIK starfar innan veitusviðs og hefur það meginhlutverk að vakta og bregðast við hvers kyns truflunum í veitukerfinu. Í stjórnstöð starfar sex manna teymi á vöktum við að skipuleggja og stýra aðgerðum í tengslum við rof og vinnu. Unnið er á dag-, kvöld- og bakvöktum. Í þessu teymi skiptir máli að geta hugsað hratt en samt skipulega.
Til að geta starfað stjórnstöðvarteyminu okkar þarf viðeigandi menntun á rafmagnssviði sem samræmist kröfum til A-löggildingar rafvirkjunarstarfa, s.s. meistarabréf í rafvirkjun, rafið-, rafmagnstækni- eða rafmagnsverkfræði. Reynsla af rekstri háspennukerfa er hér mikill kostur. Við leitum sérstaklega eftir fólki með góða samskiptahæfileika sem getur sýnt útsjónarsemi í hvers kyns aðstæðum. Rétta manneskjan í þetta starf hefur drifkraft og getu til að vinna sjálfstætt undir álagi.
Íslenska
