Tónmennt / leiklist

Í skemmtilegan og fjölbreyttan starfsmannahóp vantar okkur kennara í tónmennt og / eða leiklist frá 1. janúar 2026. Um er að ræða afleysingastöðu á vorönn með möguleika á áframhaldandi starfi. Starfshlutfall er 40% með möguleika á hærra starfshlutfalli.

Í Fellaskóla er fjölbreyttur og hæfileikaríkur nemendahópur. Flestir nemendanna tala fleiri en eitt tungumál og tengjast fjölmörgum löndum og menningarsvæðum. Með nemendum starfar öflugur hópur starfsfólks. Skólastarfið einkennist af jákvæðum skólabrag, samvinnu kennara sem miðar að því að koma til móts við ólíkar þarfir nemenda, styrkja samskipti innan nemendahópsins og skapa metnaðarfullt námsumhverfi án aðgreiningar þar sem nemendur geta látið drauma sína rætast.

Kennsla ífer fram á í smiðjum í þriðja til sjötta. bekk.

Í Fellaskóla er lögð áhersla á að flétta saman tónlist, leiklist og íslensku. Við erum líka opin fyrir nýjum hugmyndum um fyrirkomulag kennslunnar.

Í skólanum er sérdeild fyrir nemendur með einhverfu.

Starfsmaður starfar náið með kennurum og öðrum starfsmönnum. Næsti yfirmaður er skólastjóri.

Fellaskóli er skóli án aðgreiningar og meginstefnan er að sérkennsla og ÍSAT kennsla fari fram í bekk. Mikil áhersla er á læsi í yngstu árgöngunum og við vinnum náið með leikskólum hverfisins til að efla málþroska nemenda. Í Fellaskóla starfar talmeinafræðingur. Við vinnum að því að þróa kennsluhætti og leggjum áherslu á að bæta kennslu og árangur nemenda í læsi.

Fellaskóli er símalaus skóli, sem þýðir að nemendur nota ekki síma á skólatíma. Öllum nemendum á eldra stigi býðst að hafa tölvu til umræða.

Við bjóðum upp á skemmtilegt starfsumhverfi, flottan starfsmannahóp og rík tækifæri til að þróast í starfi. Við leitum að áhugasömum (sér) kennurum eða aðila með fjölbreytta menntun og bakgrunn.