Þjónusturáðgjafi trygginga á Akureyri

Við hjá Arion leitum að liðsauka í teymið okkar á Akureyri en við veitum úrvals þjónustu og ráðgjöf á sviði trygginga. Helstu verkefni okkar eru daglegar fyrirspurnir um tryggingar, greiðslumál og tjónstilkynningar ásamt öðrum fjölbreyttum verkefnum.

Það skiptir okkur máli að finna einstaklinga sem búa yfir frumkvæði, jákvæðni og hafa áhuga og færni til að læra nýja hluti. Einnig er mikill kostur að búa yfir söludrifni og að hafa ánægju af því að veita framúrskarandi þjónustu. Þá skiptir okkur máli að finna kraftmikla einstaklinga sem eru tilbúnir að koma sér vel inn í agað og árangursdrifið vinnuumhverfi en með frumkvæði, samvinnu og skipulagi getum við veitt okkar viðskiptavinum framúrskarandi þjónustu.