

Þjónusturáðgjafi - Askja og Dekkjahöllin í Reykjanesbæ
Hefur þú gaman af fólki, sérð tækifæri þar sem aðrir sjá verkefni og hefur metnað til að gera góða þjónustu enn betri?
Askja og Dekkjahöllin halda áfram að efla starfsemi sína í Reykjanesbæ og leita að öflugum, sjálfstæðum og drífandi einstaklingi í fjölbreytt starf þjónusturáðgjafa.
Við leitum að einstaklingi sem vill taka ábyrgð, byggja upp sterk viðskiptasambönd, halda utan um fjölbreytt verkefni og taka virkan þátt í að sækja ný viðskipti á Suðurnesjum.
Við viljum manneskju sem sér hvað þarf að gera – og lætur það gerast.
Hjá Inchcape á Íslandi verður þú hluti af öflugu teymi Öskju, Unu, Dekkjahallarinnar og Landfara. Hjá félögunum starfa samtals um 250 starfsmenn á 14 starfsstöðvum víða um land. Félögin eru leiðandi hvert á sínu sviði og vinna með nokkrum af fremstu framleiðendum bifreiða, atvinnutækja og hjólbarða í heiminum.
-
Móttaka viðskiptavina, ráðgjöf og framúrskarandi þjónusta
-
Skipulagning verkstæðisbókana, undirbúningur verkefna og eftirfylgni
-
Samhæfing verkefna við bifvélavirkja, hjólbarðaþjónustu, varahlutadeildir og aðra samstarfsaðila
-
Reikningagerð, afhendingar og frágangur verkbeiðna
-
Uppbygging og efling viðskiptasambanda við einstaklinga og fyrirtæki á Suðurnesjum
-
Frumkvæði að nýjum viðskiptatækifærum og þátttaka í sölu og markaðssókn
-
Þátttaka í þróun og umbótum á starfseminni
-
Framúrskarandi þjónustulund og góð samskiptafærni
-
Skipulagshæfni, sjálfstæði og lausnamiðuð hugsun
-
Frumkvæði, ábyrgðarkennd og metnaður til að ná árangri
-
Viðskiptavit og áhugi á sölu og uppbyggingu viðskiptasambanda
-
Hæfni til að vinna með öðrum og takast á við fjölbreytt verkefni
-
Góð tölvukunnátta og hæfni til að tileinka sér nýja hluti
-
Góð íslensku- og enskukunnátta
Reynsla af sölu, þjónustu eða sambærilegum störfum er mikill kostur. Þekking á bifreiðum og hjólbörðum er einnig kostur en ekki skilyrði.
Íslenska
Enska




