Þjónustufulltrúi hjá heilsufyrirtæki

Við leitum að jákvæðum og þjónustulunduðum aðila til að koma í teymið okkar. Viðkomandi mun hafa 'kúnna-ánægju' að sínu helsta markmiði, til að tryggja að við getum hjálpað þeim konum, sem sækja okkar námskeið, enn betur að árangri og bættri heilsu.

Viðkomandi þarf að búa yfir góðri íslensku- og enskukunnáttu í rituðu máli og að eiga auðvelt með að setja saman stutta og grípandi texta fyrir samfélagsmiðla.

Þú ert kjörin ef þú ert dugleg, ábyrg og skipulögð, hugsar í lausnum og átt gott með að hvetja aðra áfram.

Starfshlutfall er 15-20 klst á viku, 3-4 klst á dag og unnið er heiman frá. Best ef þú getur byrjað strax, eða fljótlega.

Kostir: Vinna heiman frá og sveigjanleiki með vinnutíma. Hentar með námi.

Helstu verkefni og ábyrgð:

• Þjónusta til viðskiptavina í gegnum tölvupóst, facebook og fyrirtækjasíma.
• Halda utan um greiðslur og senda greiðslukröfur á viðskiptavini.
• Hvatning til viðskiptavina og utanumhald á árangurssögum.
• Utanumhald námskeiða og tryggja að góð þjónusta sé veitt.
• Samfélagsmiðlar
• Fleiri verkefni eins og að senda netpósta úr póstkerfum okkar, yfirlestur og textagerð ásamt fleiru.

Umsækjendur þurfa að eiga tölvu og fer vinna og þjálfun fram í þeim forritum sem notuð eru innan Lifðu til fulls. Umsækjendur eru beðnir að fylla út umsóknina frá hlekknum sem fylgir hér og senda inn ferilskrá sem allra fyrst.