Enterprise Rent-a-car

Enterprise er alþjóðleg bílaleiga sem starfar í 90 löndum með 9.900 sölustaði um allan heim og er stærsta bílaleiga í heimi. Enterprise Rent-A-Car hóf starfsemi á Íslandi árið 2014 og hefur vaxið hratt undanfarin ár. Félagið er í dag með um 1.000 bíla í rekstri í langtíma- og skammtímaleigu á 2 útleigustöðvum í Reykjavík og Reykjanesbæ. Hjá Enterprise starfa fjölda starfsmanna sem leggja sig fram við að veita framúrskarandi þjónustu. Enterprise Rent-A-Car á Íslandi starfar undir Icelandia sem er leiðandi ferðaþjónustufyrirtæki í skipulagningu og rekstri ferða um Ísland. Yfir 600 manns starfa hjá Icelandia.

Vinnustaðurinn

Þjónustufulltrúi á bílaleigu Enterprise

Enterprise bílaleiga leitar að lausnamiðuðum og áreiðanlegum þjónustufulltrúa til starfa í þjónustuveri bílaleigunnar á BSÍ. Starfið felur í sér fjölbreytt verkefni við þjónustu viðskiptavina, utanumhald bílaflotans og skipulag útleigu. Um er að ræða fullt starf í 2-2-3 vaktaskipulagi með vinnutíma frá 7:30-19:00.

Enterprise bílaleiga er hluti af Ferðaskrifstofu Icelandia sem er leiðandi ferðaþjónustufyrirtæki á Íslandi. Hjá fyrirtækinu starfa yfir 600 einstaklingar sem leggja sig fram við að veita viðskiptavinum sínum framúrskarandi þjónustuupplifun.

Helstu verkefni og ábyrgð

Þjónusta við viðskiptavini í gegnum síma, tölvupóst og fleiri samskiptaform.
Aðstoða viðskiptavini sem verða fyrir tjóni eða bilunum.
Bókanir og aðstoð við breytingar.
Taka við greiðslum og veita endurgreiðslur samkvæmt verklagsreglum.
Vera innan handar á starfsstöð vegna vandamála viðskiptavina með bifreiðar.
Skipulag bílaflota til samræmis við bókunarstöðu í sjálfsafgreiðsluvélum.
Tilfallandi verkefni að beiðni yfirmanns.

Menntunar- og hæfniskröfur

Framúrskarandi þjónustulund og samskiptahæfni.
Jákvæðni, drifkraftur og metnaður.
Grunnþekking á virkni bifreiða.
Góð enskukunnátta í töluðu og rituðu máli er skilyrði. Íslenskukunnátta er kostur.
Gild ökuréttindi eru skilyrði.
Fyrri reynsla sem nýtist í starfi er æskileg.

Fríðindi í starfi

Fjölbreytt verkefni í ört vaxandi vinnuumhverfi.
Líkamsræktarstyrkur og sálfræðistyrkur.
Möguleikar á þróun í starfi.

Hjá Icelandia verður þú hluti af teymi sem leggur metnað sinn í að sýna gestum okkar fegurð Íslands. Við bjóðum upp á líflegt vinnuumhverfi, tækifæri til vaxtar og möguleika á að hafa raunveruleg áhrif á upplifun viðskiptavina okkar.

Fyrir frekari upplýsingar hafið samband við mannauðsdeild Icelandia: [email protected]

Auglýsing birt5. mars 2025

Umsóknarfrestur24. mars 2025

Tungumálahæfni