Þjálfunar- og rannsóknarsetur - Sálfræðideild HR

Háskólinn í Reykjavík leitar að reyndum sálfræðingi í fullt starf til þess að byggja upp og stýra nýju klínísku þjálfunarsetri við sálfræðideild skólans. Setrið verður vettvangur klínískrar þjálfunar og rannsókna. Leitað er að metnaðarfullum einstaklingi sem er til í að koma að þróun setursins auk þess að sinna kennslu og handleiðslu nemenda í klínísku námi. Starfið veitir tækifæri til þess að hafa áhrif á uppbyggingu og framþróun þjálfunar nemenda í klínísku námi sem starfsmaður í háskóla sem leggur áherslu á nýsköpun og góða þjónustu.

STARFSSVIÐ

• Þátttaka í þróun og uppbyggingu setursins í samvinnu við kennara í klíníska MSc náminu
• Stjórnun og utanumhald á setrinu
• Kennsla og handleiðsla MSc nemenda í klínískri sálfræði, m.a. í að greina og veita meðferð við algengum geðrænum vanda
• Skipulagning á verklegri þjálfun sálfræðinema
• Þátttaka í teymisvinnu starfsmanna og nemenda skólans
• Önnur verkefni í samráði við yfirmann

HÆFNISKRÖFUR

• Leyfi frá landlækni til að starfa sem sálfræðingur á Íslandi
• Stjórnunarreynsla og/eða skipulagshæfni sem nýtist í uppbyggingarvinnu á setrinu og skipulagningu verklegrar þjálfunar nemenda
• Mikil og víðtæk reynsla af notkun hugrænnar atferlismeðferðar
• Góð reynsla í handleiðslu sálfræðinga og sálfræðinema
• Rík hæfni og sveigjanleiki í mannlegum samskiptum og þverfaglegu samstarfi
• Frumkvæði og sjálfstæði í vinnubrögðum
• Góð þekking á siðareglum sálfræðinga, lögum er snerta störf sálfræðinga á Íslandi og fagmennsku
• Góð íslensku- og enskukunnátta
• Góð þekking á sálfræðiþjónustu á Íslandi og störfum íslenskra sálfræðinga
• Reynsla og áhugi á rannsóknum æskilegur

Umsóknarfrestur er til og með 28. febrúar 2025. Óskað er eftir að viðkomandi geti hafið störf sem fyrst. Umsóknum skal skilað á ráðningarvef Háskólans í Reykjavík.

FYLGIGÖGN

• Ferilskrá
• Afrit af prófskírteini
• Starfsréttindaleyfi
• Lýsing á reynslu af klínískri meðferðarvinnu og stjórnunarreynslu
• Upplýsingar um þrjá aðila sem veitt geta meðmæli

Farið er með umsóknir sem trúnaðarmál. Frekari upplýsingar má fá með því að senda fyrirspurnum starfið til Lindu Báru Lýðsdóttur ([email protected]), forstöðukonu klíníska námsins í HR og Kamillu Rúnar Jóhannsdóttur, forseta sálfræðideildar HR ([email protected]).