Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

Vinnustaðurinn

Teymisstjóri óskast á íbúðakjarna í Grafarvogi

Austurmiðstöð leitar að kröftugum og faglegum teymisstjóra á íbúðakjarna fyrir fatlað fólk að Vættaborgum 82. Um fullt starf er að ræða og er unnið bæði á skrifstofunni og á vöktum með íbúum. Í kjarnanum eru 6 einstaklingsíbúðir. Viðkomandi þarf að geta hafið störf 1. janúar eða fyrr eftir samkomulagi.

Teymisstjóri vinnur eftir stefnu Reykjavíkurborgar í málefnum fatlaðs fólks við að efla færni íbúa, styðja við sjálfstæði með ákvarðanastuðningi, stuðla að jákvæðri sjálfsmynd og auknum lífsgæðum.

Þjónusta við íbúa er einstaklingsmiðuð og aðlöguð að breytilegum þörfum og aðstæðum íbúa. Teymisstjóri starfar í samræmi við samning Sameinuðu þjóðanna um réttindi fatlaðs fólks, gildandi lög og reglugerðir í málefnum fatlaðs fólks og félagsþjónustu og önnur viðeigandi lög.

Helstu verkefni og ábyrgð

Leiðir teymi íbúa og útdeilir verkefnum til starfsfólks í samráði við forstöðumann.
Hefur umsjón með fjármálum, heilsufarsmálum og daglegri þjónustu við íbúa í samráði við forstöðumann.
Starfar í teymi stjórnenda íbúðakjarnans ásamt forstöðumanni og öðrum teymisstjórum.
Gerð og eftirfylgd einstaklingsbundinna þjónustuáætlana.
Leiðsögn til starfsmanna um framkvæmd þjónustu við íbúa.
Þátttaka í þróunar- og umbótastarfi í samstarfi við forstöðumann.
Samráð og samvinna við íbúa, aðstandendur, starfsfólk og aðra þjónustuaðila íbúa.

Menntunar- og hæfniskröfur

Háskólamenntun á sviði félags-, heilbrigðis- og/eða menntavísinda sem nýtist í starfi.
Reynsla og þekking á þjónandi leiðsögn, hugmyndafræðinni um sjálfstætt líf og valdeflingu.
Reynsla af starfi með fötluðu fólki.
Reynsla af starfi með einstaklingum með flóknar og fjölbreyttar þjónustuþarfir.
Framúrskarandi hæfni í mannlegum samskiptum og leiðtogahæfni.
Frumkvæði, skipulagshæfni, sveigjanleiki og sjálfstæði í vinnubrögðum.
Góð íslenskukunnátta. B2 eða hærra samkvæmt samevrópskum matsramma
Góð almenn tölvukunnátta.
Hreint sakavottorð í samræmi við lög og reglur Reykjavíkurborgar.

Fríðindi í starfi