Táknmálstúlkur í Sólborg

Laust er til umsóknar starf táknmálstúlks í leikskólanum Sólborg við Vesturhlíð. Sólborg er fjögurra deilda leikskóli með börnum á aldrinum tveggja til sex ára. Sólborg er sérhæfður leikskóli og býður upp á kennslu og námsumhverfi á íslensku táknmáli til jafns við íslensku. Leiðarljós leikskólans eru leikni, virðing og samvinna. Mjög spennandi tækifæri fyrir metnaðarfullt og skapandi fólk. Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Nánari upplýsingar um starfið veitir Margrét Gígja Þórðardóttir, í síma 411-3480 eða á solborg@rvkskolar.is

Helstu verkefni og ábyrgð

Túlkar í námsumhverfi barnanna, s.s. kennslu og fræðslu í hópstundum, vettvangsferðum, samskipti milli barna, söngstundir og viðburði í sal (s.s. leikrit).

Túlkar deildafundi, starfsmannaviðtöl, foreldraviðtöl og aðra fundi.

Túlkar upplýsingar og fréttir á heimasíðu Sólborgar.

Túlkur er til staðar fyrir önnur tilfallandi verkefni ef þörf krefur s.s. starfsviðtöl, samtöl milli starfsmanna, samskipti starfsfólks og foreldra, aðlögun barna o.þ.h.

Önnur verkefni sem yfirmaður felur starfsmanni.

Menntunar- og hæfniskröfur

B.A. próf í táknmálsfræði og táknmálstúlkun

Starfsreynsla í leik- og grunnskólum

Lipurð og sveigjanleiki í samskiptum

Sjálfstæð og skipulögð vinnubrögð

Frumkvæði, áhugi og metnaður í starfi

Framúrskarandi íslenskukunnátta

Önnur háskólamenntun er kostur

Fríðindi í starfi

36 stunda vinnuvika

Samgöngustyrkur