VSB verkfræðistofa

Á VSB starfa um 40 starfsmenn og er stofan 35 ára. Starfsemi VSB skiptist í þrjú svið: byggingasvið, byggðatæknisvið og framkvæmdasvið. Við höfum í gegnum tíðina slegist við stóru stofurnar um verkefni, sem eru oft flókin og krefjandi í bland við minni og einfaldari verkefni. Við sinnum t.d. eftirliti og byggingarstjórn með nýjum höfuðstöðvum Landsbankans og sáum nýlega um verkfræðihönnun mannvirkja Sky Lagoon. Við erum framsækin þegar kemur að notkun tækni. Við höfum innleitt BIM hönnun og leggjum áherslu á notkun upplýsingatækni í okkar starfi. Við notum nýjustu verkfæri og hugbúnað við framkvæmdaeftirlit og erum í fararbroddi þegar kemur að landmælingum með notkun dróna, laserskanna, vélstýringa á þungum vinnuvélum sem og við hefðbundnari mælingar. VSB hefur vottað gæðastjórnkerfi ISO 9001 og við erum að vinna að því að innleiða umhverfisstjórnunarkerfi ISO 14001 auk þess sem við munum móta okkur skýrari stefnu í umhverfismálum.

Vinnustaðurinn

Tækniteiknari

VSB verkfræðistofa óskar eftir að ráða öflugan og reynslumikinn tækniteiknara til framtíðarstarfa. Í boði eru spennandi verkefni á byggingarsviði og byggðatæknisviði í góðu starfsumhverfi.

Helstu verkefni og ábyrgð:

Tækniteiknun á byggingarsviði, þ.m.t. burðarvirki, raflagnir og lagnir
Tækniteiknun á byggðatæknisviði, þ.m.t. götur og veitur
Þátttaka í hönnunarverkefnum
Frágangur og útgáfa teikninga í samráði við fagstjóra
Önnur tilfallandi verkefni

Menntunar- og hæfniskröfur:

Menntun í tækniteiknun
Haldbær reynsla af sambærilegum störfum
Þekking af helstu hönnunar– og greiningartólum s.s. AutoCAD, Civil3D og Revit
Reynsla af MagiCAD er kostur
Góð samskipta- og samstarfshæfni
Nákvæmni, skiplagshæfni og sjálfstæð vinnubrögð
Góð íslenskukunnátta í ræðu og riti

Fríðindi í starfi:

Samgöngustyrkur
Niðurgreiddur hádegismatur
Sveigjanlegur vinnutími og fjarvinnustefna
Sími og símareikningur greiddur af VSB
Íþróttastyrkur

Um VSB
VSB er fjölhæf verkfræðistofa á sviði skipulags, hönnunar og framkvæmda sem veitir viðskiptavinum ráðgjöf þar sem hagkvæmni, fagmennska og áreiðanleiki eru lykilatriði. VSB hefur aðsetur að Bæjahrauni 20 í Hafnarfirði. Nánari upplýsingar má finna á heimasíðu VSB www.vsb.is.

Umsóknarfrestur er til og með 18. febrúar 2025. Umsókn óskast fyllt út á www.intellecta.is og þarf henni að fylgja starfsferilskrá og kynningarbréf. Farið verður með allar fyrirspurnir og umsóknir sem trúnaðarmál og þeim svarað að ráðningu lokinni.
Nánari upplýsingar veita Lea Kristín Guðmundsdóttir ([email protected]) og Þuríður Pétursdóttir ([email protected]) og í síma 511 1225.