Hrafnista

Hrafnista er stærsta hjúkrunarheimili landsins og alls eru heimilin orðin átta talsins í sex sveitarfélögum. Þau eru Hrafnista Laugarási, Hraunvangi, Boðaþingi, Ísafold, Skógabæ, Sléttuvegi, Hlévangi og Nesvöllum. Hjá Hrafnistu starfar öflugur hópur einstaklinga með fjölbreytta menntun, starfsreynslu og áhugamál. Hrafnista leitast við að ráða, efla og halda hæfu starfsfólki. Ef þú hefur áhuga á að komast í Hrafnistuhópinn skaltu senda okkur starfsumsókn.

Vinnustaðurinn

Tæknilegur leiðtogi óskast

Fyrirtæki Sjómannadagsráðs (Hrafnista, Naustavör, Happdrætti DAS og fasteignadeild SDR) reka starfsemi á 8 starfstöðum í fimm sveitafélögum á höfuðborgarsvæðinu og Reykjanesi.

Starfsemin er á fullri ferð í stafrænni vegferð og vantar einhvern til að leiða hana. Lausnirnar eru fjölbreyttar, allt frá sérhæfðum heilbrigðislausnum til hefðbundinna Microsoft lausna. Allt snýr að sama marki; að bæta þjónustu, auka skilvirkni og stuðla að hagkvæmum rekstri. Daglegum rekstri, hýsingu kerfa auk notendaþjónustu er að mestu úthýst en þessi aðili ber þó ábyrgð á henni og er í miklum samskiptum við þjónustuaðila.

Helstu verkefni og ábyrgð

Ábyrgð á þróun upplýsingatæknimála ásamt næsta stjórnanda.

Ábyrgð á almennri tækniþjónustu, hugbúnaði og vélbúnaði.

Leiðandi aðkoma að mótun stefnu í upplýsingatækni, öryggis og skjalamálum.

Samstarf og samskipti við innri og ytri viðskiptavini/þjónustuaðila.

Önnur verkefni tengt upplýsingatækni og þróun.

Menntunar- og hæfniskröfur

Reynsla og menntun sem nýtist við starfið.

Jákvætt viðmót, lausnarmiðuð nálgun og lipurð í samskiptum.

Frumkvæði, metnaður og öguð vinnubrögð.

Reynsla af og lipurð í teymisvinnu.

Góð íslensku- og enskukunnátta.